Mugabe ekki verkefnalaus

Robert Mugabe mun áfram gegna mikilvægu hlutverki í simbabv­eskum stjórnmálum þrátt fyrir að hafa sagt af sér forsetaembættinu á dögunum. Þetta sagði Fidelis Mukonori, prestur sem miðlaði málum á milli Mugabe og hersins, í viðtali við BBC í gær. Mugabe sagði af sér á þriðjudag í kjölfar þess að herinn tók völdin í landinu viku fyrr.

Sagði Mukonori að hlutverk Mugabe myndi felast í því að veita hinum nýja forseta, Emmerson Mnangagwa, ráðgjöf sem honum reyndari maður. Mnangagwa, langtímabandamaður Mugabe, var rekinn úr varaforsetaembættinu fyrr í mánuðinum og leiddi sú ákvörðun forseta að lokum til þess að Mugabe missti sæti sitt.

Mukonori vildi þó ekki staðfesta fréttir þess efnis að Mugabe hefði fengið 10 milljónir Bandaríkjadala fyrir að segja af sér.