Lífið

Halle Berry einhleyp á ný: „Ég gef ástina uppá bátinn“

Lilja Katrín Gunnarsdóttir skrifar
Halle er í ástarsorg.
Halle er í ástarsorg. Vísir / Getty Images
Leikkonan Halle Berry er hætt með kærasta sínum til nokkurra mánaða, Alex Da Kid, breskum pródúsent.

 Þetta staðfesti Halle á Instagram-síðu sinni í gær þar sem hún birti mynd af hjarta og skrifaði við: „Ég gef ástina uppá bátinn“. Á myndinni voru einnig þrjú tákn með stæltum upphandleggsvöðvum.

 Halle hefur eytt myndinni þegar þetta er skrifað.

Myndin fræga.Vísir / Skjáskot af Instagram
Alex og Halle þegar allt lék í lyndi.Vísir / Getty Images
Halle og Alex virtust vera mjög ástfangin þegar þau opinberuðu samband sitt á samfélagsmiðlum í september. og sóttu nýverið Hrekkjavökupartí á vegum Treats! Magazine.

 Halle hefur ekki gengið vel í ástarmálum og hefur átt þrjá eiginmenn. Hún var gift hafnaboltahetjunni David Justice á árunum 1992 til 1997, söngvaranum Eric Benét á árunum 2001 til 2005 og franska leikaranum Olivier Martinez frá 2013 til 2016. Halle á soninn Maceo, þriggja ára, með þeim síðastnefnda en hún er einnig móðir hinnar níu ára gömlu Nöhlu sem hún á með fyrrverandi kærasta sínum, fyrirsætunni Gabriel Aubry.

 Alex Da Kid er nafn sem einhverjir þekkja ekki en hann hefur pródúserað ýmsa slagara, eins og I Need a Doctor með Dr. Dre, Love the Way You Lie með Eminem og Rihönnu og Radioactive með Imagine Dragons.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.