Heiðursgestir RIFF Stefán Þór Hjartarson skrifar 26. maí 2016 11:00 Darren Aronofsky hefur verið tilnefndur til fjölda verðlauna fyrir myndir sínar, m.a. Óskarsverðlauna. Vísir/Getty Alþjóðlega kvikmyndahátíðin RIFF verður í ár haldin í þrettánda sinn og stendur frá 29. september til 9. október. Í þetta sinn verða heiðursgestir hátíðarinnar tveir heimsþekktir en ólíkir leikstjórar, en það eru þeir Darren Aronofsky og Alejandro Jodorowsky. Þeir munu báðir taka á móti heiðursverðlaunum – Aronofsky fyrir framúrskarandi listfengi og Jodorowsky fyrir æviframlag sitt til kvikmyndalistarinnar. Valdar myndir eftir þá verða sýndar og þeir munu sitja fyrir svörum eftir sýningarnar. „Þeir verða með pallborðsumræður opnar fyrir almenning þar sem þeir svara spurningum um feril sinn og kvikmyndir, hugmyndirnar sínar og hugmyndirnar bak við myndirnar og allt það sem þeir hafa verið að gera. Við höfum verið með svona mastersklassa á RIFF undanfarin ár og þetta hefur verið tekið upp og streymt beint á YouTube þannig að það er hægt að horfa þó að maður komist ekki á staðinn. Þarna geta áhorfendur spurt spurninga og fengið svör við því sem brennur á þeim,“ segir Sandra Guðrún Guðmundsdóttir hjá RIFF. Darren Aronofsky er bandarískur leikstjóri sem er þekktur fyrir óvenjulegar myndir sínar sem eru oft fullar af súrrealískum og sálfræðilegum hryllingi. Aronofsky er frekar ungur, en hann er aðeins 47 ára, sem telst unglingsaldur meðal leikstjóra og eru myndir hans að einhverju leyti mótaðar af því – en í þeim má finna áhrif frá tónlistarmyndböndum, nýaldartrúarbrögðum og vísindaskáldskap. Hans þekktasta mynd er líklega Black Swan en hann var tilnefndur til Óskarsverðlauna sem besti leikstjórinn fyrir hana og hún einnig tilnefnd sem besta myndin. Kvikmyndin Noah, sem kom út árið 2014, var að einhverju leyti tekin upp hér á landi og skartaði m.a. Russel Crowe og Anthony Hopkins.Alejandro Jodorowsky er þekktur fyrir framúrstefnulegar költ- og neðanjarðarmyndir.Vísir/GettyAlejandro Jodorowsky er chileskur leikstjóri, en hann mætti með réttu kalla fjöllistamann því að auk þess að vera þekktur sem leikstjóri hefur hann einnig skrifað kvikmynda- og leikritahandrit, hann er leikari og leikur oft aðalhlutverk í myndum sínum, hann er rithöfundur, tónlistarmaður, hefur samið myndasögubækur og hefur af sumum einnig verið kallaður andlegur leiðtogi eða gúrú. Myndir hans eru mjög óvenjulegar og framúrstefnulegar og hafa af þeim sökum mikið költfylgi, sérstaklega þá myndirnar The Holy Mountain og El Topo. Myndirnar eru stútfullar af trúarlegum táknum og undarlegum persónum í súrrealískum aðstæðum og oft eru í myndunum leikarar með líkamlegar og andlegar fatlanir. Bíó og sjónvarp RIFF Mest lesið „Kveiktum næstum í öllu sumarbústaðalandinu“ Lífið Mikið fjör á opnun kosningaskrifstofu Gnarr Lífið Sjarmerandi og seiðandi á sjötugsaldri Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið „Nútíminn er trunta“ Lífið Seiðandi glæsikvendi á lausu Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Alþjóðlega kvikmyndahátíðin RIFF verður í ár haldin í þrettánda sinn og stendur frá 29. september til 9. október. Í þetta sinn verða heiðursgestir hátíðarinnar tveir heimsþekktir en ólíkir leikstjórar, en það eru þeir Darren Aronofsky og Alejandro Jodorowsky. Þeir munu báðir taka á móti heiðursverðlaunum – Aronofsky fyrir framúrskarandi listfengi og Jodorowsky fyrir æviframlag sitt til kvikmyndalistarinnar. Valdar myndir eftir þá verða sýndar og þeir munu sitja fyrir svörum eftir sýningarnar. „Þeir verða með pallborðsumræður opnar fyrir almenning þar sem þeir svara spurningum um feril sinn og kvikmyndir, hugmyndirnar sínar og hugmyndirnar bak við myndirnar og allt það sem þeir hafa verið að gera. Við höfum verið með svona mastersklassa á RIFF undanfarin ár og þetta hefur verið tekið upp og streymt beint á YouTube þannig að það er hægt að horfa þó að maður komist ekki á staðinn. Þarna geta áhorfendur spurt spurninga og fengið svör við því sem brennur á þeim,“ segir Sandra Guðrún Guðmundsdóttir hjá RIFF. Darren Aronofsky er bandarískur leikstjóri sem er þekktur fyrir óvenjulegar myndir sínar sem eru oft fullar af súrrealískum og sálfræðilegum hryllingi. Aronofsky er frekar ungur, en hann er aðeins 47 ára, sem telst unglingsaldur meðal leikstjóra og eru myndir hans að einhverju leyti mótaðar af því – en í þeim má finna áhrif frá tónlistarmyndböndum, nýaldartrúarbrögðum og vísindaskáldskap. Hans þekktasta mynd er líklega Black Swan en hann var tilnefndur til Óskarsverðlauna sem besti leikstjórinn fyrir hana og hún einnig tilnefnd sem besta myndin. Kvikmyndin Noah, sem kom út árið 2014, var að einhverju leyti tekin upp hér á landi og skartaði m.a. Russel Crowe og Anthony Hopkins.Alejandro Jodorowsky er þekktur fyrir framúrstefnulegar költ- og neðanjarðarmyndir.Vísir/GettyAlejandro Jodorowsky er chileskur leikstjóri, en hann mætti með réttu kalla fjöllistamann því að auk þess að vera þekktur sem leikstjóri hefur hann einnig skrifað kvikmynda- og leikritahandrit, hann er leikari og leikur oft aðalhlutverk í myndum sínum, hann er rithöfundur, tónlistarmaður, hefur samið myndasögubækur og hefur af sumum einnig verið kallaður andlegur leiðtogi eða gúrú. Myndir hans eru mjög óvenjulegar og framúrstefnulegar og hafa af þeim sökum mikið költfylgi, sérstaklega þá myndirnar The Holy Mountain og El Topo. Myndirnar eru stútfullar af trúarlegum táknum og undarlegum persónum í súrrealískum aðstæðum og oft eru í myndunum leikarar með líkamlegar og andlegar fatlanir.
Bíó og sjónvarp RIFF Mest lesið „Kveiktum næstum í öllu sumarbústaðalandinu“ Lífið Mikið fjör á opnun kosningaskrifstofu Gnarr Lífið Sjarmerandi og seiðandi á sjötugsaldri Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið „Nútíminn er trunta“ Lífið Seiðandi glæsikvendi á lausu Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira