Fyrrverandi forseti Úrúgvæ látinn

Jorge Batlle, fyrrverandi forseti Úrúgvæ, er látinn, 88 ára að aldri. Hann gegndi forsetaembættinu á árunum 2000 til 2005.

Batlle gekkst undir aðgerð fyrr í mánuðinum til að stöðva blæðingu, en lést á Sanatorio Americano sjúkrahúsinu í gær.

Honum var lýst sem opnum stjórnmálamanni og frjálslegum í fasi, sem var virkur í stjórnmálabaráttu sinni löngu eftir að hann lét af starfi forseta.

Batlle jók samstarf Úrúgvæ og Bandaríkjanna í valdatíð sinni, á sama tíma og stjórnvöld í nágrannaríkjunum Argentínu, Brasilíu og Venesúela drógu úr samskiptum sínum við Bandaríkin.

Hann var menntaður lögfræðingur og starfaði sem blaðamaður og þingmaður áður en hann tók við forsetaembættinu.