Kosið verður milli May og Leadson

Bretland Annaðhvort Theresa May eða Andrea Leadson verður leiðtogi breska Íhaldsflokksins eftir að David Cameron hættir í haust.

Flokksfélagar kjósa á milli kvennanna tveggja og verður skýrt frá niðurstöðu kosningarinnar á landsþingi flokksins í haust.

Michael Gove féll út í seinni umferð leiðtogakjörs meðal þingmanna flokksins, sem fram fór í gær. Hann hafði boðið sig fram gegn félaga sínum, Boris Johnson, sem í kjölfarið hætti við framboð.

May fékk atkvæði 199 þingmanna og þykir líklegri til sigurs en Leadson, sem fékk 84 atkvæði.

Cameron boðaði afsögn sína eftir að Bretar höfðu samþykkt í þjóðaratkvæðagreiðslu í síðasta mánuði að segja sig úr Evrópusambandinu.