Erlent

Lögreglumenn vegnir úr launsátri í Bandaríkjunum

Tryggvi Páll Tryggvason skrifar
Um tvær aðskildar árásir var að ræða í grennd við borgina Des Moines
Um tvær aðskildar árásir var að ræða í grennd við borgina Des Moines Vísir/Getty
Tveir lögreglumenn voru drepnir í Iowa í Bandaríkjunum í nótt. Lögregla telur að árásarmaðurinn hafi setið fyrir lögreglumönnunum þar sem þeir sátu í lögreglubílum sínum.

Um tvær aðskildar árásir var að ræða í grennd við borgina Des Moines. Fyrri árásin átti sér stað eftir að lögregla brást við tilkynningu um skothvelli í úthverfi Des Moinens. Tuttugu mínútum síðar fannst annar lögreglumaður úr sömu deild og sá fyrri látinn í sínum lögreglubíl.

Talið er víst að tengsl séu á milli árásanna en lögregla rannsakar nú morðin. Alls hafa um 50 lögreglumenn verið skotnir við störf sín í Bandaríkjunum það sem af er ári. 

Mest lesið


Fleiri fréttir

Sjá meira


×

Mest lesið