Fimmtándu umferð Pepsi-deildar kvenna lauk í gær þegar Breiðablik vann öruggan sigur á ÍBV, 3-0, á heimavelli.
Blikar minnkuðu þar með forskot toppliðs Stjörnunnar niður í tvö stig en þau mætast einmitt í stórleik á laugardaginn.
Fimmtánda umferðin var góð fyrir KR sem komst upp úr fallsæti með sigri á Fylki. Á sama tíma tapaði ÍA fyrir Stjörnunni og FH og Selfoss gerði jafntefli.
Fallbaráttan er gríðarlega spennandi en aðeins þremur stigum munar á liðinu í 6. sæti (FH) og liðinu í 9. sæti (Selfoss).
Óvæntustu úrslitin komu samt fyrir norðan þar sem Þór/KA rúllaði yfir Val, 4-0. Aðeins tveimur stigum munar nú á þessum liðum.
Farið var yfir þessa stórskemmtilegu 15. umferð í Pepsi-mörkum kvenna í kvöld.
Venju samkvæmt var endað á markasyrpunni en þar voru öll 17 mörkin sem skoruð voru í 15. umferðinni sýnd.
Markasyrpuna má sjá í spilaranum hér að ofan.
Pepsi-mörk kvenna: Markasyrpa 15. umferðar | Myndband
Tengdar fréttir
Þorsteinn um mögulega þátttöku Hörpu: Setur aðra leikmenn í óeðlilega stöðu
Eftir 3-0 sigur Breiðabliks á ÍBV í 15. umferð Pepsi-deildar kvenna er ljóst að leikur Blika og Stjörnunnar á laugardaginn verður nánast úrslitaleikur um Íslandsmeistaratitilinn.
Máni lætur Valskonur heyra það: Eru nógu sterkir og stórir karakterar í þessu liði?
Valur kom sér inn í toppbaráttuna með flottum sigri á Stjörnunni en fékk svo skell gegn Þór/KA.
Valorie rekin sem þjálfari Selfoss
Valorie Nicole O´Brien hefur verið rekin sem þjálfari Selfoss í Pepsi-deild kvenna, en þetta herma heimildir Vísis.
