Draga úr vægi verðtryggingar

Sigurður Ingi Jóhannsson, forsætisráðherra, segir að lögð verði fram frumvörp um verðtrygginguna og séreignasparnað á fyrstu dögum þingsins. Þetta segir hann í samtali við RÚV.

Hann segir frumvörpin vera part af stefnu ríkisstjórnarinnar og að stefnt sé á að klára þau fyrir alþingiskosningar í haust.

Sigurður Ingi segir að ekki sé unnið að afnámi verðtryggingarinnar en það frumvarp sem lagt verður fram á þinginu kæmi til með að draga úr vægi hennar til að mynda með því að auka möguleika á því að taka óverðtryggð lán.

Tímabundin úrræði vegna séreignasparnaðar renna út 1. júlí 2017 og frumvarp um séreignasparnað miðar að því að finna framtíðarfyrirkomulag um séreignasparnaðinn.

Fréttin birtist fyrst í Fréttablaðinu