Erlent

Hvítabjörn synti sleitulaust 566 kílómetra á níu dögum

Kristján Már Unnarsson skrifar
Rannsókn kanadískra vísindamanna á hvítabjörnum staðfestir gríðarlegt sundþrek þeirra og maraþonsund dögum saman upp á tugi kílómetra virðist þeim auðvelt. Þetta gæti skýrt hversvegna ísbirnir birtast af og til á Íslandi, jafnvel þótt hafís sé langt frá ströndum.

Dæmið um hvítabjörninn, sem bandarískir vísindamenn mældu fyrir fimm árum að hefði synt sjöhundruð kílómetra samfellt á níu dögum, þótti ótrúlegt. En nú hafa kanadískir vísindamenn sýnt fram að þetta var ekki einstakt dæmi.

Í rannsókn sem stóð yfir um fimm ára skeið komu þeir gervihnattasendi fyrir í hálsól á 135 björnum á tveimur búsvæðum; við Beaufort-haf í Alaska og við Hudson-flóa í Kanada. Með þessum hætti fengust upplýsingar um alls 115 langsund, og þegar búið var að leiðrétta miðað við að þeir syntu sjaldnast beina leið, reyndist meðallengd hvers sunds 125 kílómetrar, meðal sundtími hvers bjarnar þrír og hálfur sólarhringur og meðalsundhraði tveir kílómetrar á klukkustund. Sá sem lengst synti fór 566 kílómetra á níu dögum.

Íslandsheimsóknir hvítabjarna frá Grænlandi þurfa því ekki að koma á óvart, miðað við að stysta vegalengd milli landanna er 287 kílómetrar, og ísröndin sjaldan lengra en 150 kílómetra frá Íslandi og oft innan við 50 kílómetra. 

En um leið og við dáumst að sundþreki þessa stærsta landrándýrs jarðar þá er einnig dökk hlið á þessu máli. Kanadísku vísindamennirnir segja niðurstöðurnar nefnilega staðfesta þá kenningu að minnkandi hafís vegna hlýnunar jarðar ýti undir slík maraþonsund hvítabjarna. 

Hér má lesa um rannsóknina.


Tengdar fréttir

Björninn skotinn í Rekavík - fluttur til Reykjavíkur

Nú hafa fregnir af drápi hvítabjarnarins sem sást á Hornströndum í morgun verið staðfestar en Vísir sagði frá því að dýrið hefði verið fellt fyrr í dag. Í tilkynningu á heimasíðu Umhverfisstofnunar segir að unnið hafi verið á birninum í Rekavík. Mikil yfirferð var á dýrinu og þoka á svæðinu. Lögreglan á Ísafirði var með í för og voru aðstæður metnar á þann veg að ómögulegt væri að vakta dýrið allan sólarhringinn og tryggja að það færi ekki í sjó eða flytti sig um set í átt að byggð. "Því var tekin ákvörðun um að fella dýrið af öryggisástæðum,“ segir í fréttinni, en dýrið var skotið klukkan 21 mínútu yfir tvö.

Ísbjörninn tekinn af lífi - myndir

Ísbjörninn, sem tekið hafði sér bólfestu skammt frá bænum Hrauni á Skagatá í Skagafirði, var skotinn síðla dags í gær. Ljósmyndarinn Valgarður Gíslason fylgdist með.

Aldrei skal hlaupa undan ísbirni

Sjaldgæft er að ísbirnir drepi menn og eru slík tilvik í heiminum á síðasta áratug teljandi á fingrum annarrar handar. Kristján Már Unnarsson var á ísbjarnarslóðum í Norður-Kanada í vor þar sem hann kynnti sér leiðbeiningar um hvað menn eigi að gera ef þeir mæta ísbirni.

Veiðimenn búnir að fella ísbjörninn

Þrjár skyttur eru búnar að fella ísbjörninn sem sást til á Þistilfirði í dag að sögn lögreglumanns sem Vísir ræddi við. Svo virðist sem björninn, sem var frekar lítill, hafi verið felldur af skyttunum.

Grænlendingum ráðlagt að nota pottlok gegn hvítabjörnum

Grænlensk stjórnvöld freista þess nú með öllum ráðum að koma í veg fyrir að ísbirnir séu skotnir að óþörfu. Umgengnisreglur hafa verið settar sem banna mönnum að fæða ísbirni og íbúar eru eindregið varaðir við því að elta þá uppi. Þetta kemur fram í fréttatilkynningu sjávarútvegs-, veiði- og landbúnaðarráðuneytis Grænlands í tilefni af því að hvítabjörn var skotinn við Nuuk síðastliðinn sunnudag.

Bóndi skaut birnuna og varð steinhissa

Það var bóndi nærri Óslandi í Þistilfirði sem skaut hvítabjörninn í gær en hann hafði enga hugmynd um að ísbjörn væri í sveitinni. Lögreglan í Þórshöfn hafði áður hringt í alla bændur á því sem svæði sem birnan var. Aftur á móti náðist ekki í tvo bændur, sá sem felldi birnuna var annar þeirra.

Björninn felldur þrátt fyrir sérhannað björgunarbúr

Búrið sem nota átti við síðustu björgunartilraun þegar ísbjörn gekk á land nærri Skagafirði er enn á landinu samkvæmt Umhverfisstofnun. Þá náðist ekki að fanga björninn lifandi. Búrið hefur því ekki verið notað. Ákveðið hefur verið að fella björninn þar sem ekki séu uppi ákjósanlegar aðstæður til þess að bjarga honum.

Ísbjörn synti látlaust 700 km á 9 dögum

Bandarískir vísindamenn hafa staðfest ótrúlegt sundþrek ísbjarna en þeir fylgdust með birnu synda látlaust nærri sjöhundruð kílómetra á níu dögum án þess að nærast. Þetta sýnir að ísbirnir geta synt milli Íslands og Grænlands, fram og til baka, án þess að stoppa.

Mest lesið


Fleiri fréttir

Sjá meira


×

Mest lesið