Begovic ósáttur með dvölina hjá Chelsea

Markvörðurinn Asmir Begovic segir að tími hans hjá Chelsea hafi ekki farið eins og hann hafði gert ráð fyrir.

Þessi 28 ára markvörður yfirgaf Stoke síðasta sumar og gekk í raðir Chelsea. Aðalmarkvörður liðsins er aftur á móti Belginn Thibaut Courtois og hefur Begovic ekki náð að vinna sér sæti í byrjunarliðinu.

Begovic kom aftur á móti inn í liðið þegar Courtois meiddist á tímabilinu en er aftur kominn á bekkinn.

„Mig langaði í nýja áskorun og þess vegna gekk ég í raðir Chelsea,“ segir Begovic.

„Ég ræddi við stjórann og hélt að ég vissi nákvæmlega hvað ég var að fara út í. Hlutirnir hafa aftur á móti ekki þróast eins og ég gerði ráð fyrir,“ segir svekktur Begovic sem var í fimm ár hjá Stoke áður en hann gekk til liðs við Chelsea.