Tveggja og hálfs árs tónleikaferð lýkur í kvöld Gunnar Leó Pálsson skrifar 29. ágúst 2015 09:00 Tónlistarmaðurinn Ásgeir Trausti er nú á leið heim eftir tveggja og hálfs árs tónleikaferð og ætlar að einbeita sér hundrað prósent að nýrri plötu. Gert er ráð fyrir að nýja platan komi út á næsta ári. Mynd/Getty Tónlistarmaðurinn Ásgeir Trausti leikur á sínum síðustu tónleikum á tónleikaferð sinni, í Tromsø í Noregi í kvöld. Um er að ræða ansi stóra og umfangsmikla tónleikaferð sem hefur staðið yfir með pásum í um tvö og hálft ár. „Þetta fór fram úr okkar björtustu vonum, platan fór af stað erlendis mun fyrr en við ætluðum í upphafi. Af því að hún hefur verið að koma út á mismunandi tíma á mismunandi mörkuðum, þá er þetta orðið svona langur tíma. Það eru allir orðnir mjög spenntir fyrir næstu plötu og það verður spennandi að geta gefið út næstu plötu alls staðar, á öllum mörkuðum, á sama tíma,“ segir María Rut Reynisdóttir umboðsmaður Ásgeirs. Allt í allt eru tónleikarnir á tónleikaferðinni 324 talsins og flestir fóru fram erlendis. „Árið 2013 kom Ásgeir fram á 55 tónleikum erlendis en árið 2014 spilaði hann á 113 tónleikum erlendis og einu tónleikarnir hans á Íslandi það ár voru á Airwaves. Á þessu ári hefur hann komið fram á 41 tónleikum og voru þeir allir erlendis nema tvennir tónleikar í Hörpu hér heima,“ segir María Rut um ferðlagið. Hún segist ómögulega geta sagt hve margir tónleikagestirnir voru í heild. „Það hef ég því miður ekki og get ómögulega kastað á það tölu en það eruð hundruð þúsunda ef ekki einhverjar milljónir,“ bætir hún við og hlær. Ásgeir og félagar héldu af stað árið 2012 og hafa farið um heim allan í ferð sinni en lokahnykkurinn, sem var jafnframt stysti hluti tónleikaferðarinnar kláraðist um helgina. „Á þessum lokatúr tónleikaferðarinnar geri ég ráð fyrir að rétt rúmlega 32 þúsund manns hafi séð Ásgeir, á þessu heldur stutta tólf daga tónleikaferðalagi. Þeir eru vanir að túra í þrjár til fimm vikur í senn en eru allir sammála um að þetta hafi verið frábær endir á þeim tveimur og hálfu ári sem þeir hafa varið í að fylgja plötunni Dýrð í dauðaþögn eftir um allan heim,“ útskýrir María Rut. Í sinni síðustu ferð spilaði Ásgeir með listamönnum á borð Tom Odell og hljómsveitum á borð við Interpol og Fatboy Slim. Þá hittu Ásgeir og félagar hljómsveitina alt-J í Zürich í vikunni en Ásgeir túraði með alt-J í Ástralíu í maí. Þá túraði hann einnig með Hozier í febrúar um Bandaríkin. Árið 2013 túraði hann með Of Monsters and Men og John Grant.Ný plata á næsta ári Framundan hjá Ásgeiri er algjört hlé frá tónleikahaldi og hundrað prósent fókus á nýja plötu. „Við áætlum að nýja platan komi út um mitt næsta ár, jafnvel fyrr. Meira verður ekki sagt um nýju plötuna í bili en Ásgeir og Kiddi upptökustjóri (Guðmundur Kristinn Jónsson) hafa verið við upptökur í Hljóðrita í Hafnarfirði og verða næstu mánuði.“ Um þrjú ár eru síðan fyrsta plata Ásgeirs, Dýrð í dauðaþögn, kom út á Íslandi. Platan hlaut frábæra dóma og naut mikilla vinsælda og varð fljótlega mest selda frumraun allra tíma hér á landi. Stuttu eftir útgáfu plötunnar skrifaði Ásgeir undir samning við útgáfufyrirtækið One Little Indian í Bretlandi um alþjóðlega útgáfu plötunnar á ensku. Platan kom út í Evrópu í janúar 2014 og stuttu síðar Ástralíu og Japan og í mars sama ár skrifaði Ásgeir undir samning við Columbia Records um útgáfu plötunnar í Bandaríkjunum. Platan fór í fyrsta sæti á Next Big Sound lista Billboard þegar hún kom út í Bandaríkjunum og komst á Topp 10 lista iTunes yfir mest seldu plöturnar víða, m.a. í Bretlandi, Frakklandi, Japan, á Írlandi, Ítalíu, í Hollandi og á Spáni. Hér heima hlaut Ásgeir fern verðlaun á Íslensku tónlistarverðlaununum 2012 og í desember sama ár var hann tilnefndur til Norrænu tónlistarverðlaunanna (Nordic Music Prize). Í janúar 2014 var Ásgeir svo einn af handhöfum European Border Breaker Awards sem voru afhent á Eurosonic-tónlistarhátíðinni í Groningen í Hollandi. Gagnrýnendur hafa verið iðnir við að lofa Ásgeir og plötuna og má þar nefna National Public Radio í Bandríkjunum (NPR), TIME, Guardian, Vogue, NME og fleiri. Vefsíðan The Line of Best Fit valdi In the Silence á topp 50 lista yfir bestu plötur ársins 2014 og hið sama gerði Rough Trade. Platan var jafnframt valin besta alþjóðlega platan 2014 af GAFFA í Noregi og í Bandaríkjunum valdi einn virtasti útvarpsmaður þar í landi, Bob Boilen, In the Silence sem eina af bestu plötum ársins auk þess sem Amazon valdi Ásgeir sem einn af þeim listamönnum / hljómsveitum sem fólk ætti að fylgjast með árið 2015 (Artists to Watch in 2015). Ásgeir hefur átt miklum vinsældum að fagna í Japan og Ástralíu og í Ástralíu kusu hlustendur Triple J útvarpsstöðvarinnar, sem heyrir undir ABC, King and Cross sem tíunda besta lag ársins 2014. Mest lesið Trítaði sig og fékk sér Teslu: „Hvað ertu með í laun eiginlega?“ Lífið „Spurði hversu mörgum stelpum hann væri búinn að senda þessa línu“ Makamál Brynja og Þórhallur kveðja Nýlendugötuna Lífið Stjörnulífið: Allt á útopnu í sólinni Lífið Atli Örvarsson hlaut BAFTA verðlaunin Lífið Dulin blessun að missa Baðhúsið Lífið Andstaða frá Íslandi og vera Ísraelsmanna litar keppnina í ár Lífið Hönnunarhæð Karinar í Nola til sölu Lífið Baldurs og Felix-fáni falur Lífið Álfa- og jólahúsið í Laugardalnum heyrir sögunni til Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Sjá meira
Tónlistarmaðurinn Ásgeir Trausti leikur á sínum síðustu tónleikum á tónleikaferð sinni, í Tromsø í Noregi í kvöld. Um er að ræða ansi stóra og umfangsmikla tónleikaferð sem hefur staðið yfir með pásum í um tvö og hálft ár. „Þetta fór fram úr okkar björtustu vonum, platan fór af stað erlendis mun fyrr en við ætluðum í upphafi. Af því að hún hefur verið að koma út á mismunandi tíma á mismunandi mörkuðum, þá er þetta orðið svona langur tíma. Það eru allir orðnir mjög spenntir fyrir næstu plötu og það verður spennandi að geta gefið út næstu plötu alls staðar, á öllum mörkuðum, á sama tíma,“ segir María Rut Reynisdóttir umboðsmaður Ásgeirs. Allt í allt eru tónleikarnir á tónleikaferðinni 324 talsins og flestir fóru fram erlendis. „Árið 2013 kom Ásgeir fram á 55 tónleikum erlendis en árið 2014 spilaði hann á 113 tónleikum erlendis og einu tónleikarnir hans á Íslandi það ár voru á Airwaves. Á þessu ári hefur hann komið fram á 41 tónleikum og voru þeir allir erlendis nema tvennir tónleikar í Hörpu hér heima,“ segir María Rut um ferðlagið. Hún segist ómögulega geta sagt hve margir tónleikagestirnir voru í heild. „Það hef ég því miður ekki og get ómögulega kastað á það tölu en það eruð hundruð þúsunda ef ekki einhverjar milljónir,“ bætir hún við og hlær. Ásgeir og félagar héldu af stað árið 2012 og hafa farið um heim allan í ferð sinni en lokahnykkurinn, sem var jafnframt stysti hluti tónleikaferðarinnar kláraðist um helgina. „Á þessum lokatúr tónleikaferðarinnar geri ég ráð fyrir að rétt rúmlega 32 þúsund manns hafi séð Ásgeir, á þessu heldur stutta tólf daga tónleikaferðalagi. Þeir eru vanir að túra í þrjár til fimm vikur í senn en eru allir sammála um að þetta hafi verið frábær endir á þeim tveimur og hálfu ári sem þeir hafa varið í að fylgja plötunni Dýrð í dauðaþögn eftir um allan heim,“ útskýrir María Rut. Í sinni síðustu ferð spilaði Ásgeir með listamönnum á borð Tom Odell og hljómsveitum á borð við Interpol og Fatboy Slim. Þá hittu Ásgeir og félagar hljómsveitina alt-J í Zürich í vikunni en Ásgeir túraði með alt-J í Ástralíu í maí. Þá túraði hann einnig með Hozier í febrúar um Bandaríkin. Árið 2013 túraði hann með Of Monsters and Men og John Grant.Ný plata á næsta ári Framundan hjá Ásgeiri er algjört hlé frá tónleikahaldi og hundrað prósent fókus á nýja plötu. „Við áætlum að nýja platan komi út um mitt næsta ár, jafnvel fyrr. Meira verður ekki sagt um nýju plötuna í bili en Ásgeir og Kiddi upptökustjóri (Guðmundur Kristinn Jónsson) hafa verið við upptökur í Hljóðrita í Hafnarfirði og verða næstu mánuði.“ Um þrjú ár eru síðan fyrsta plata Ásgeirs, Dýrð í dauðaþögn, kom út á Íslandi. Platan hlaut frábæra dóma og naut mikilla vinsælda og varð fljótlega mest selda frumraun allra tíma hér á landi. Stuttu eftir útgáfu plötunnar skrifaði Ásgeir undir samning við útgáfufyrirtækið One Little Indian í Bretlandi um alþjóðlega útgáfu plötunnar á ensku. Platan kom út í Evrópu í janúar 2014 og stuttu síðar Ástralíu og Japan og í mars sama ár skrifaði Ásgeir undir samning við Columbia Records um útgáfu plötunnar í Bandaríkjunum. Platan fór í fyrsta sæti á Next Big Sound lista Billboard þegar hún kom út í Bandaríkjunum og komst á Topp 10 lista iTunes yfir mest seldu plöturnar víða, m.a. í Bretlandi, Frakklandi, Japan, á Írlandi, Ítalíu, í Hollandi og á Spáni. Hér heima hlaut Ásgeir fern verðlaun á Íslensku tónlistarverðlaununum 2012 og í desember sama ár var hann tilnefndur til Norrænu tónlistarverðlaunanna (Nordic Music Prize). Í janúar 2014 var Ásgeir svo einn af handhöfum European Border Breaker Awards sem voru afhent á Eurosonic-tónlistarhátíðinni í Groningen í Hollandi. Gagnrýnendur hafa verið iðnir við að lofa Ásgeir og plötuna og má þar nefna National Public Radio í Bandríkjunum (NPR), TIME, Guardian, Vogue, NME og fleiri. Vefsíðan The Line of Best Fit valdi In the Silence á topp 50 lista yfir bestu plötur ársins 2014 og hið sama gerði Rough Trade. Platan var jafnframt valin besta alþjóðlega platan 2014 af GAFFA í Noregi og í Bandaríkjunum valdi einn virtasti útvarpsmaður þar í landi, Bob Boilen, In the Silence sem eina af bestu plötum ársins auk þess sem Amazon valdi Ásgeir sem einn af þeim listamönnum / hljómsveitum sem fólk ætti að fylgjast með árið 2015 (Artists to Watch in 2015). Ásgeir hefur átt miklum vinsældum að fagna í Japan og Ástralíu og í Ástralíu kusu hlustendur Triple J útvarpsstöðvarinnar, sem heyrir undir ABC, King and Cross sem tíunda besta lag ársins 2014.
Mest lesið Trítaði sig og fékk sér Teslu: „Hvað ertu með í laun eiginlega?“ Lífið „Spurði hversu mörgum stelpum hann væri búinn að senda þessa línu“ Makamál Brynja og Þórhallur kveðja Nýlendugötuna Lífið Stjörnulífið: Allt á útopnu í sólinni Lífið Atli Örvarsson hlaut BAFTA verðlaunin Lífið Dulin blessun að missa Baðhúsið Lífið Andstaða frá Íslandi og vera Ísraelsmanna litar keppnina í ár Lífið Hönnunarhæð Karinar í Nola til sölu Lífið Baldurs og Felix-fáni falur Lífið Álfa- og jólahúsið í Laugardalnum heyrir sögunni til Lífið Fleiri fréttir „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Sjá meira