Umfjöllun, viðtöl og einkunnir: Breiðablik - Valur 1-0 | Höskuldur hetja Blika Haraldur Árni Hróðmarsson á Kópavogsvelli skrifar 20. maí 2015 13:09 Hetjan Höskuldur er hér á ferðinni í kvöld. vísir/ernir Breiðablik bjargaði sér með naumindum frá því að gera fjórða jafntefli sitt í röð þegar þeir tóku á móti Völsurum á Kópavogsvelli í kvöld. Valsarar unnu frækinn sigur á FH í síðustu umferð en hvorugt liðið náði einhverjum hæðum í kvöld. Leikurinn var illa leikinn að mestu og bragðdaufur en Höskuldur Gunnlaugsson bjargaði því sem bjargað varð og skoraði sigurmarkið á 81. mínútu Fyrri hálfleikur var bragðdaufur með eindæmum og komst hvorugt liðið almennilega í gang. Valsarar misstu fyrirliða sinn, Hauk Pál Sigurðsson, meiddan af velli eftir 20 mínútna leik og Ian Williamson kom í hans stað. Þrátt fyrir það voru Hlíðarendapiltar sterkari lungan úr hálfleiknum og fengu besta færi hálfleiksins á 23. mínútu þegar Bjarni Ólafur komst inn í dapra sendingu Damirs Muminovic. Bjarni sendi boltann á Kristinn Frey sem lagði hann innfyrir vörn Blika og á Bjarna en skot hans var hræðilegt og lak í fangið á Gunnleifi Gunnleifssyni. Blikar áttu nokkrar fyrirgjafir frá vinstri vængnum, eina frá Arnþóri Ara og tvær frá Kristni Jónssyni, sem sköpuðu skotfæri en Blikar náðu ekki góðum tilraunum á markið. Kristinn Freyr Sigurðsson var langbesti maður vallarins í fyrri hálfleik og áttu Blikar í miklum erfiðleikum með hann en liðsfélagar hans náði ekki að fylgja fordæmi hans. Breiðablik mættu sterkari til leiks í síðari hálfleik og stoppuðu upp í öll göt á vörninni. Valsarar áttu í erfiðleikum með að skapa sér færi og létu sér lynda að skjóta af löngu færi trekk í trekk. Gunnleifur Gunnleifsson stóð vaktina að prýði í marki Blika og þurfti aldrei að taka á honum stóra sínum í síðari hálfleiknum. Eina mark leiksins leit dagsins ljós á 81. mínútu. Kristinn Jónsson lék upp vinstri vænginn og gaf fasta fyrirgjöf meðfram jörðinni. Boltinn hafnaði hjá Höskuldi rétt utan markteigs sem stýrði boltanum í netið af yfirvegun. Gott mark hjá þessum efnilega leikmanni sem var óheppinn að skora ekki annað mark tveimur mínútum síðar en þá sá Ingvar Kale við honum. Valsarar reyndu hvað þeir gátu að jafna metin og þrýstu Blikunum djúpt á sinn vallarhelming en allt kom fyrir ekki. Guðjón Pétur Lýðsson fékk loks dauðafæri í uppbótartíma en Daninn Thomas Guldborg Christensen bjargaði frá honum með frábærri tæklingu. Blikar geta hrósað happi yfir sigri kvöldsins því þeir léku ekkert sérstaklega. Oliver átti ágætan síðari hálfleik, Gunnleifur var öruggur og Kristinn Jónsson var líflegur en sóknarleikur liðsins var hugmyndasnauður og Ellert Hreinsson sást ekki í leiknum. Jafntefli hefði verið sanngjörn niðurstaða í þessum leik. Valsarar náðu ekki að fylgja eftir glæstum sigri á sunnudagskvöld gegn FH-ingum. Sigurður Egill, sem var frábær í síðasta leik, sást varla. Kristinn Freyr var besti maður Vals ásamt Dananum Christensen og Andri Adolphsson átti nokkra lipra spretti en liðið hélt ekki dampi í kvöld og geta nagað sig í handarbökin yfir að hafa ekki fengið stig í kvöld.Arnar: Ágætt að jafnteflisumræðunni sé lokið Arnari Grétarssyni, þjálfara Blika, var létt í leikslok. „Ég er gríðarlega sáttur með að ná í fyrsta sigurinn, leikurinn var afar erfiður og jafn og hefði getað fallið á báða bóga en ég er feginn að hann féll okkar megin," sagði Arnar sem hrósaði sínu liði fyrir vinnusemi. Blikar hefðu sett óheppilegt met með jafntefli. „Það er ágætt að umræðunni um jafnteflismetið sem við hefðum getað sett sé lokið og við getum litið fram veginn." En hvernig lítur framhaldið út hjá Blikum? „Við eigum erfiðan leik uppi á Skaga í næstu umferð þurfum að vera vel gíraðir fyrir hann því við viljum vera í efri kantinum og þá þurfa menn að vera vel gíraðir í hvern einasta leik," sagði Arnar.Ólafur: Hundfúlt að fá engin stig Aðspurður hvort ekki hefði verið óþarfi að tapa leik kvöldsins sagði Ólafur Jóhannesson, þjálfari Vals. „Mér fannst grátlegt að tapa þessum leik og er mjög fúll með það. Leikurinn var í jafnvægi lungan úr leiknum en það er hundfúlt að fara héðan með núll stig." Valur sigraði FH í síðustu umferð og lék á alls oddi en náðu ekki að byggja ofan á þá frammistöðu: „Sigurinn í síðasta leik telur ekkert, það er nú bara þannig." Ólafur var ekki tilbúinn til að staldra of lengi við leik kvöldsins. „Það er mikið eftir af þessu móti og við vildum vinna þennan leik en það tókst því miður ekki," sagði Ólafur JóhannessonHöskuldur: Kærkomið að vinna leik Kantmaðurinn ungi Höskuldur Gunnlaugsson, hetja Blika, var sáttur í leikslok. „Valsarar voru góðir í fyrri hálfleik og Gulli stóð stig vel í markinu en mér fannst við sterkari aðilinn síðasta hálftíma leiksins," sagði Höskuldur. Hann vann sér sæti í liðinu á undirbúningstímabilinu og hefur verið líflegur í upphafi móts. „Það var virkilega góð tilfinning að skora sigurmarkið í þessum leik, ég hefði viljað skorað aftur stuttu eftir markið sem tókst ekki en það er kærkomið að vinna leik loksins og skora sigurmarkið." Pepsi Max-deild karla Mest lesið „Til skammar að koma úr atvinnumennsku eins og hann er að koma“ Íslenski boltinn Telja að hann hafi sent tvíburabróðurinn til Rúmeníu í sinn stað Fótbolti Lést í fyrsta bardaga sínum Sport Lygileg toppbarátta í Danmörku Fótbolti Fernandes íhugar að stökkva frá borði Enski boltinn „Auðvitað voru einhverjir villtir draumar um að fara í úrslitin“ Körfubolti Hrósaði karakter leikmanna eftir að liðið henti frá sér unnum leik Enski boltinn Fury eldri blóðugur í aðdraganda sögulegs bardaga Sport „Búinn að vera tilfinningarússibani“ Íslenski boltinn „Við vorum ekki að fara að fá neitt gefins hérna“ Körfubolti Fleiri fréttir „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Bláa flautan hjálpar bæði foreldrum og þjálfurum Rankaði við sér í sjúkrabíl: „Þekki hve alvarlegar afleiðingar þetta getur haft“ Uppgjör: Tindastóll - Fylkir 3-0 | Fyrsta tap nýliðanna Uppgjörið: Víkingur - Þór/KA 1-2 | Þrír norðansigrar í röð Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Sjá meira
Breiðablik bjargaði sér með naumindum frá því að gera fjórða jafntefli sitt í röð þegar þeir tóku á móti Völsurum á Kópavogsvelli í kvöld. Valsarar unnu frækinn sigur á FH í síðustu umferð en hvorugt liðið náði einhverjum hæðum í kvöld. Leikurinn var illa leikinn að mestu og bragðdaufur en Höskuldur Gunnlaugsson bjargaði því sem bjargað varð og skoraði sigurmarkið á 81. mínútu Fyrri hálfleikur var bragðdaufur með eindæmum og komst hvorugt liðið almennilega í gang. Valsarar misstu fyrirliða sinn, Hauk Pál Sigurðsson, meiddan af velli eftir 20 mínútna leik og Ian Williamson kom í hans stað. Þrátt fyrir það voru Hlíðarendapiltar sterkari lungan úr hálfleiknum og fengu besta færi hálfleiksins á 23. mínútu þegar Bjarni Ólafur komst inn í dapra sendingu Damirs Muminovic. Bjarni sendi boltann á Kristinn Frey sem lagði hann innfyrir vörn Blika og á Bjarna en skot hans var hræðilegt og lak í fangið á Gunnleifi Gunnleifssyni. Blikar áttu nokkrar fyrirgjafir frá vinstri vængnum, eina frá Arnþóri Ara og tvær frá Kristni Jónssyni, sem sköpuðu skotfæri en Blikar náðu ekki góðum tilraunum á markið. Kristinn Freyr Sigurðsson var langbesti maður vallarins í fyrri hálfleik og áttu Blikar í miklum erfiðleikum með hann en liðsfélagar hans náði ekki að fylgja fordæmi hans. Breiðablik mættu sterkari til leiks í síðari hálfleik og stoppuðu upp í öll göt á vörninni. Valsarar áttu í erfiðleikum með að skapa sér færi og létu sér lynda að skjóta af löngu færi trekk í trekk. Gunnleifur Gunnleifsson stóð vaktina að prýði í marki Blika og þurfti aldrei að taka á honum stóra sínum í síðari hálfleiknum. Eina mark leiksins leit dagsins ljós á 81. mínútu. Kristinn Jónsson lék upp vinstri vænginn og gaf fasta fyrirgjöf meðfram jörðinni. Boltinn hafnaði hjá Höskuldi rétt utan markteigs sem stýrði boltanum í netið af yfirvegun. Gott mark hjá þessum efnilega leikmanni sem var óheppinn að skora ekki annað mark tveimur mínútum síðar en þá sá Ingvar Kale við honum. Valsarar reyndu hvað þeir gátu að jafna metin og þrýstu Blikunum djúpt á sinn vallarhelming en allt kom fyrir ekki. Guðjón Pétur Lýðsson fékk loks dauðafæri í uppbótartíma en Daninn Thomas Guldborg Christensen bjargaði frá honum með frábærri tæklingu. Blikar geta hrósað happi yfir sigri kvöldsins því þeir léku ekkert sérstaklega. Oliver átti ágætan síðari hálfleik, Gunnleifur var öruggur og Kristinn Jónsson var líflegur en sóknarleikur liðsins var hugmyndasnauður og Ellert Hreinsson sást ekki í leiknum. Jafntefli hefði verið sanngjörn niðurstaða í þessum leik. Valsarar náðu ekki að fylgja eftir glæstum sigri á sunnudagskvöld gegn FH-ingum. Sigurður Egill, sem var frábær í síðasta leik, sást varla. Kristinn Freyr var besti maður Vals ásamt Dananum Christensen og Andri Adolphsson átti nokkra lipra spretti en liðið hélt ekki dampi í kvöld og geta nagað sig í handarbökin yfir að hafa ekki fengið stig í kvöld.Arnar: Ágætt að jafnteflisumræðunni sé lokið Arnari Grétarssyni, þjálfara Blika, var létt í leikslok. „Ég er gríðarlega sáttur með að ná í fyrsta sigurinn, leikurinn var afar erfiður og jafn og hefði getað fallið á báða bóga en ég er feginn að hann féll okkar megin," sagði Arnar sem hrósaði sínu liði fyrir vinnusemi. Blikar hefðu sett óheppilegt met með jafntefli. „Það er ágætt að umræðunni um jafnteflismetið sem við hefðum getað sett sé lokið og við getum litið fram veginn." En hvernig lítur framhaldið út hjá Blikum? „Við eigum erfiðan leik uppi á Skaga í næstu umferð þurfum að vera vel gíraðir fyrir hann því við viljum vera í efri kantinum og þá þurfa menn að vera vel gíraðir í hvern einasta leik," sagði Arnar.Ólafur: Hundfúlt að fá engin stig Aðspurður hvort ekki hefði verið óþarfi að tapa leik kvöldsins sagði Ólafur Jóhannesson, þjálfari Vals. „Mér fannst grátlegt að tapa þessum leik og er mjög fúll með það. Leikurinn var í jafnvægi lungan úr leiknum en það er hundfúlt að fara héðan með núll stig." Valur sigraði FH í síðustu umferð og lék á alls oddi en náðu ekki að byggja ofan á þá frammistöðu: „Sigurinn í síðasta leik telur ekkert, það er nú bara þannig." Ólafur var ekki tilbúinn til að staldra of lengi við leik kvöldsins. „Það er mikið eftir af þessu móti og við vildum vinna þennan leik en það tókst því miður ekki," sagði Ólafur JóhannessonHöskuldur: Kærkomið að vinna leik Kantmaðurinn ungi Höskuldur Gunnlaugsson, hetja Blika, var sáttur í leikslok. „Valsarar voru góðir í fyrri hálfleik og Gulli stóð stig vel í markinu en mér fannst við sterkari aðilinn síðasta hálftíma leiksins," sagði Höskuldur. Hann vann sér sæti í liðinu á undirbúningstímabilinu og hefur verið líflegur í upphafi móts. „Það var virkilega góð tilfinning að skora sigurmarkið í þessum leik, ég hefði viljað skorað aftur stuttu eftir markið sem tókst ekki en það er kærkomið að vinna leik loksins og skora sigurmarkið."
Pepsi Max-deild karla Mest lesið „Til skammar að koma úr atvinnumennsku eins og hann er að koma“ Íslenski boltinn Telja að hann hafi sent tvíburabróðurinn til Rúmeníu í sinn stað Fótbolti Lést í fyrsta bardaga sínum Sport Lygileg toppbarátta í Danmörku Fótbolti Fernandes íhugar að stökkva frá borði Enski boltinn „Auðvitað voru einhverjir villtir draumar um að fara í úrslitin“ Körfubolti Hrósaði karakter leikmanna eftir að liðið henti frá sér unnum leik Enski boltinn Fury eldri blóðugur í aðdraganda sögulegs bardaga Sport „Búinn að vera tilfinningarússibani“ Íslenski boltinn „Við vorum ekki að fara að fá neitt gefins hérna“ Körfubolti Fleiri fréttir „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Bláa flautan hjálpar bæði foreldrum og þjálfurum Rankaði við sér í sjúkrabíl: „Þekki hve alvarlegar afleiðingar þetta getur haft“ Uppgjör: Tindastóll - Fylkir 3-0 | Fyrsta tap nýliðanna Uppgjörið: Víkingur - Þór/KA 1-2 | Þrír norðansigrar í röð Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Sjá meira