Níu tíma jólafótboltaveisla í ár

Jól og áramót eru tíminn þegar liðin í ensku úrvalsdeildinni sýna það og sanna hvort þau hafi burði til að berjast um eftirsóttustu sætin . Spiluð verður heil umferð á öðrum degi jóla og svo verða aftur leikir 28. til 30. desember. Liðin spila líka 2. og 3. janúar og þetta eru því þrír leikir á rúmri viku sem þýðir að mikið getur breyst á stuttum tíma.

Aðdáendur enska boltans geta þannig eytt níu klukkutímum í sófanum á öðrum degi jóla eða allt frá því þegar Stoke og Manchester City hefja leik 12.45 þar til að leik Southampton og Arsenal lýkur rétt fyrir 22.00.

Mikið er búð að vera um óvænt úrslit í ensku úrvalsdeildinni á þessu tímabili sem kristallast í því að Leicester, botnlið deildarinnar fyrir ári, situr nú eitt í toppsætinu. Frammistaða nýliða Watford og Bournemouth að undanförnu hefur aukið óvissuna enn frekar.

Leikir annars dags jóla gætu boðið upp á enn frekari dramatík. Louis Van Gaal, knattspyrnustjóri Manchester United, er mjög valtur í sessi, Guus Hiddink mun stýra Chelsea-­liðinu í fyrsta sinn og Jürgen Klopp þarf að rífa Liverpool-liðið upp eftir hver vonbrigðarúrslitin á fætur öðrum að undanförnu.

Gylfi Þór Sigurðsson og félagar eru komnir niður í fallsæti og þurfa nauðsynlega á stigum að halda og þá bíða allir spenntir eftir því hvort spútniklið eins og Leicester City eða Watford geti haldið út.

Fréttablaðið skoðar aðeins betur þá leiki sem menn mega helst ekki missa af í ensku úrvalsdeildinni um þessi jól.

Stoke City - Manchester United

Laugardagur 26. desember

12.45 Stöð 2 Sport 2

Manchester United hefur tapað þremur deildarleikjum í röð og ekki unnið leik síðan 21. nóvember. Framtíð Louis Van Gaal sem knattspyrnustjóra liðsins er undir í þessum leik og þegar staðan er svo alvarleg þá gerast verkefnin varla erfiðari en að sækja stig á Brittannia. Jose Mourinho fylgist örugglega vel með úr fjarlægð.

Liverpool - Leicester City

Laugardagur 26. desember

15.00 Stöð 2 Sport 2

Liverpool fær tækifæri til að vinna annað topplið á stuttum tíma en liðið vann 4-1 sigur á Man­chester City fyrir nokkrum vikum. Leicester hefur hins vegar aðeins tapað einum leik á tímabilinu og sá var fyrir 90 dögum. Hver veit nema Jürgen Klopp finn lausnina á risavandmálinu að reyna að stoppa þá Jamie Vardy og Riyad Mahrez hjá Leicester­ City.

Chelsea - Watford

Laugardagur 26. desember

15.00 Stöð 2 Sport 3

Chelsea vann öruggan sigur á Sunderland í fyrsta leik eftir brottrekstur Jose Mourinho og nú stýrir Guus Hiddink liðinu í fyrsta sinn. Nýliðar Watford unnu 3-0 sigur á Liverpool í síðasta leik og hafa náð í 12 stig af 12 mögulegum í síðustu fjórum leikjum. Hiddink byrjar því á móti einu heitasta liði deildarinnar.

Swansea City -West Bromwich albion

Laugardagur 26. desember

15.00 Stöð 2 Sport 6

Gylfi Þór Sigurðsson og félagar hafa ekki unnið í undanförnum sjö leikjum eða síðan Gylfi skoraði síðast í 2-1 sigri á Aston Villa 24. október. Gylfi mætir þarna liðinu sem hann hefur skorað flest mörk á móti og gefið flestar stoðsendingar á móti í leikjum sínum í öllum keppnum á Englandi.

Southampton - Arsenal

Laugardagur 26. desember

Arsenal-stuðningsmenn sjá titilinn í hillingum eftir sigurinn á Manchester City á dögunum og frábært gengi í leikjunum á móti liðum í efstu sætum deildarinnar. Arsenal hefur aftur á móti aðeins náð í eitt stig út úr síðustu tveimur leikjum á móti liðum um miðja deild og þarf að vinna leik eins og þennan ætli liðið að vinna deildina í fyrsta sinn frá 2004.

Framhaldið á jólaveislunni



Mánudagur 28. desember

15.00 Stöð 2 Sport 2

Crystal Palace - Swansea

Mánudagur 28. desember

15.00 Stöð 2 Sport 3

Watford - Tottenham

Mánudagur 28. desember

17.30 Stöð 2 Sport 2

Manchester United - Chelsea

Mánudagur 28. desember

17.30 Stöð 2 Sport 3

Arsenal - Bournemouth

Þriðjudagur 29. desember

19.45 Stöð 2 Sport 2

Leicester City - Manchester City

Miðvikudagur 30. desember

19.45 Stöð 2 Sport 2

Sunderland - Liverpool