Bankaræninginn gaf sig fram

Karlmaður um tvítugt hefur játað aðild sína að vopnuðu ráni í útibúi Landsbankans í Borgartúni í gær. Hann gaf sig fram í gærkvöldi eftir myndbirtingar lögreglu og er nú í haldi hennar.

Þá hefur hinn maðurinn, sem jafnframt er grunaður um aðild að ráninu, verið handtekinn. Báðir mennirnir hafa áður komið við sögu lögreglu.

Yfirheyrslur standa nú yfir og miðar rannsókn málsins vel, að því er segir í tilkynningu frá lögreglu. Búist er við að lögreglan leggi fram gæsluvarðhaldskröfu síðar í dag.

Búið er að leggja hald á hluta af ránsfengnum.