Einn viðskiptavinanna hringdi á Neyðarlínuna Kristjana Björg Guðbrandsdóttir og Lillý Valgerður Pétursdóttir skrifa 31. desember 2015 07:00 Tæknideild lögreglu að störfum í útibúi Landsbankans í Borgartúni. Fréttablaðið/Vilhelm Tveir voru handteknir í gær í tengslum við vopnað bankarán í útibúi Landsbankans í Borgartúni í gær. Ekki er um að ræða gerendur í málinu heldur hugsanlega vitorðsmenn eða einstaklinga sem geta veitt upplýsingar vegna málsins. „Þeir voru ógnandi,“ segir Jóhanna Þorbjargardóttir, viðskiptavinur Landsbankans, sem var stödd í útibúi bankans í Borgartúni þar sem tveir menn frömdu vopnað rán skömmu fyrir klukkan hálf tvö í gær. Jóhanna hljóp til og hringdi á Neyðarlínuna á meðan á ráninu stóð. „Ég stóð hjá gjaldkeranum og var að taka út. Þá heyrist kallað: Þetta er rán. Ég hljóp bara í burtu og hringdi í 112. Svo tóku þeir alla peningana sem þeir gátu.“ Hún segir starfsfólki bankans hafa verið ógnað. „Þeir hristu gjaldkera og þeir komu hlaupandi. Þeir ógnuðu starfsfólkinu, það var öllum rosalega brugðið.“ Jóhanna segir mennina hafa skilið bílinn eftir í gangi fyrir utan á meðan þeir rændu bankann. Um var að ræða hvítan sendiferðabíl, Ford Transit, með skráningarnúmerinu VDZ 53 sem fannst í Barmahlíð á þriðja tímanum. Annar maðurinn var vopnaður skammbyssu en hinn vopnaður hnífi. Myndir af þeim úr öryggismyndavélum bankans sýna vopnaburðinn. Mennirnir höfðu á brott með sér fjármuni en forsvarsmenn Landsbankans segja að upphæðin sé óveruleg. Starfsmönnum bankans var boðin áfallahjálp. Viðskiptavinum og starfsmönnum bankans var hleypt út bakdyramegin eftir skýrslutöku lögreglu. Um tíu viðskiptavinir voru í bankanum. Nokkur börn voru í bankanum þegar ræningjana bar að. Þeir viðskiptavinir sem blaðamaður náði tali af sögðust skelkaðir og óttuðust að ræða atburðinn undir nafni. „Ég vil ekki koma fram undir nafni ef það skyldi vera einhver undirheimaklíka á bak við ránið,“ sagði einn þeirra, verkamaður sem hafði skroppið í bankann. Hann hafði verið inni í bankanum í stutta stund þegar ræningjarnir birtust. „Þeir stukku yfir borðið, hristu gjaldkera til og hrópuðu nokkrum sinnum: Þetta er rán. Einn þeirra hélt á hníf og ég tel mig líka hafa séð annan þeirra með byssu.“ Honum virtist þjófarnir ganga ákveðið til verks. „Þetta voru einhverjir sem vissu hvað þeir voru að gera. Þeir voru hettuklæddir með klút fyrir vitunum.“ Hann lýsir því rétt eins og Jóhanna að mikil skelfing hafi gripið um sig í bankanum. „Ég þarf að fara heim og jafna mig. Það mun taka smá tíma. Þetta var virkilega vond reynsla.“ Ríkislögreglustjóri og lögreglan á höfuðborgarsvæðinu stýra aðgerðum í sameiningu við rannsókn málsins. Mannanna var leitað á höfuðborgarsvæðinu í gær og mest í Hlíðahverfinu. Þyrla Landhelgisgæslunnar var notuð við leitina. Einn maður var handtekinn í Öskjuhlíð um sex leytið í gær í tengslum við ránið. Þá girti lögregla af fjölbýlishús við Stigahlíð á sjöunda tímanum í gær og leitað var í bifreiðum á leið úr hverfinu.Mynd af ræningjunum úr eftirlitsmyndavél bankans. Lögreglan bað í gær um aðstoð við að hafa uppi á þeim. Mest lesið Frelsinu fagnað á fjórhjóli sem Sjúkratryggingar greiða ekki niður Innlent Dró strax í land með sölu stýriflauga eftir spjallið við Pútín Erlent Vill breytingar á úreltum reglum, sama í hvora áttina Innlent Þingmaður hyggst nafngreina grunaðan í 55 ára morðmáli Erlent Enginn matur í ísskápum dæmi um vanrækslu Innlent Hótar því að Bandaríkin blandi sér í átökin á Gasa og „drepi þá“ Erlent Bíll eins þekktasta rannsóknarblaðamanns Ítalíu sprengdur í loft upp Erlent Gagnrýna drög að frumvarpi um brottfararstöð: Ætlað að líkjast fangelsi Innlent Sýrlendingar samþykkja að taka við Kourani Innlent Áætlanir um málsafgreiðslu ráðuneytis brugðust 26 sinnum Innlent Fleiri fréttir Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Viðgerð lokið á stofnstreng Mílu Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Sjá meira
Tveir voru handteknir í gær í tengslum við vopnað bankarán í útibúi Landsbankans í Borgartúni í gær. Ekki er um að ræða gerendur í málinu heldur hugsanlega vitorðsmenn eða einstaklinga sem geta veitt upplýsingar vegna málsins. „Þeir voru ógnandi,“ segir Jóhanna Þorbjargardóttir, viðskiptavinur Landsbankans, sem var stödd í útibúi bankans í Borgartúni þar sem tveir menn frömdu vopnað rán skömmu fyrir klukkan hálf tvö í gær. Jóhanna hljóp til og hringdi á Neyðarlínuna á meðan á ráninu stóð. „Ég stóð hjá gjaldkeranum og var að taka út. Þá heyrist kallað: Þetta er rán. Ég hljóp bara í burtu og hringdi í 112. Svo tóku þeir alla peningana sem þeir gátu.“ Hún segir starfsfólki bankans hafa verið ógnað. „Þeir hristu gjaldkera og þeir komu hlaupandi. Þeir ógnuðu starfsfólkinu, það var öllum rosalega brugðið.“ Jóhanna segir mennina hafa skilið bílinn eftir í gangi fyrir utan á meðan þeir rændu bankann. Um var að ræða hvítan sendiferðabíl, Ford Transit, með skráningarnúmerinu VDZ 53 sem fannst í Barmahlíð á þriðja tímanum. Annar maðurinn var vopnaður skammbyssu en hinn vopnaður hnífi. Myndir af þeim úr öryggismyndavélum bankans sýna vopnaburðinn. Mennirnir höfðu á brott með sér fjármuni en forsvarsmenn Landsbankans segja að upphæðin sé óveruleg. Starfsmönnum bankans var boðin áfallahjálp. Viðskiptavinum og starfsmönnum bankans var hleypt út bakdyramegin eftir skýrslutöku lögreglu. Um tíu viðskiptavinir voru í bankanum. Nokkur börn voru í bankanum þegar ræningjana bar að. Þeir viðskiptavinir sem blaðamaður náði tali af sögðust skelkaðir og óttuðust að ræða atburðinn undir nafni. „Ég vil ekki koma fram undir nafni ef það skyldi vera einhver undirheimaklíka á bak við ránið,“ sagði einn þeirra, verkamaður sem hafði skroppið í bankann. Hann hafði verið inni í bankanum í stutta stund þegar ræningjarnir birtust. „Þeir stukku yfir borðið, hristu gjaldkera til og hrópuðu nokkrum sinnum: Þetta er rán. Einn þeirra hélt á hníf og ég tel mig líka hafa séð annan þeirra með byssu.“ Honum virtist þjófarnir ganga ákveðið til verks. „Þetta voru einhverjir sem vissu hvað þeir voru að gera. Þeir voru hettuklæddir með klút fyrir vitunum.“ Hann lýsir því rétt eins og Jóhanna að mikil skelfing hafi gripið um sig í bankanum. „Ég þarf að fara heim og jafna mig. Það mun taka smá tíma. Þetta var virkilega vond reynsla.“ Ríkislögreglustjóri og lögreglan á höfuðborgarsvæðinu stýra aðgerðum í sameiningu við rannsókn málsins. Mannanna var leitað á höfuðborgarsvæðinu í gær og mest í Hlíðahverfinu. Þyrla Landhelgisgæslunnar var notuð við leitina. Einn maður var handtekinn í Öskjuhlíð um sex leytið í gær í tengslum við ránið. Þá girti lögregla af fjölbýlishús við Stigahlíð á sjöunda tímanum í gær og leitað var í bifreiðum á leið úr hverfinu.Mynd af ræningjunum úr eftirlitsmyndavél bankans. Lögreglan bað í gær um aðstoð við að hafa uppi á þeim.
Mest lesið Frelsinu fagnað á fjórhjóli sem Sjúkratryggingar greiða ekki niður Innlent Dró strax í land með sölu stýriflauga eftir spjallið við Pútín Erlent Vill breytingar á úreltum reglum, sama í hvora áttina Innlent Þingmaður hyggst nafngreina grunaðan í 55 ára morðmáli Erlent Enginn matur í ísskápum dæmi um vanrækslu Innlent Hótar því að Bandaríkin blandi sér í átökin á Gasa og „drepi þá“ Erlent Bíll eins þekktasta rannsóknarblaðamanns Ítalíu sprengdur í loft upp Erlent Gagnrýna drög að frumvarpi um brottfararstöð: Ætlað að líkjast fangelsi Innlent Sýrlendingar samþykkja að taka við Kourani Innlent Áætlanir um málsafgreiðslu ráðuneytis brugðust 26 sinnum Innlent Fleiri fréttir Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Kærastan áfram í farbanni Viðgerð lokið á stofnstreng Mílu Ný heimildarmynd afhjúpi veikindi vegna flúormengunar og fyrirslátt MAST Annar fundur boðaður í kjaraviðræðum flugumferðarstjóra Vilja úrbætur eftir úttekt á samningum um lokun bensínstöðva Refsing Kristjáns Markúsar milduð Ekkert óeðlilegt að Halla bjóði Xi í heimsókn Segja eins og áður aðeins samið til skamms tíma og leiðrétta ráðherra Bara „random“ að rassskella stjúpdóttur sína og vinkonu hennar Ásýndin að fjölmiðlum hefnist fyrir að gagnrýna ríkisstjórnina Bein útsending: Öryggis- og varnarmál á ráðstefnu almannavarna Ræddi Gasa við Hegseth og bauð honum til Íslands Óttast um geðheilsu foreldra nái breytingarnar fram að ganga Óttast um geðheilsu foreldra og meint aðför stjórnvalda gegn fjölmiðlum Tveir sjúklingar í nánast hverju plássi á bráðamóttökunni Sérsveitin skarst í leikinn vegna Kourani á Kleppi Umboðsmaður snuprar stjórnvöld Sjá meira