Sjáðu mörkin níu þegar Stjarnan valtaði yfir KR

Kristófer Ingi Kristinsson, 16 ára gamall Stjörnumaður, skoraði þrennu í úrslitaleik Bose-mótsins í gær þar sem Stjarnan valtaði yfir KR, 7-2.

Stjarnan byrjaði leikinn mun betur og komst í 3-0 með mörkum Arnars Más Björgvinssonar, Þorra Geirs Rúnarssonar og Harðar Árnasonar.

Gary Martin minnkaði muninn í 3-2 fyrir KR en Kári Pétursson kom Stjörnunni svo tveimur mörkum yfir. Þá var komið að þætti Kristófer Inga sem skoraði þrjú síðustu mörk Stjörnunnar. Lokatölur 7-2, Stjörnunni í vil.

Stjarnan var í úrslitum Bose-mótsins annað árið í röð en í fyrra tapaði það úrslitaleiknum gegn Víkingi.

Hilmar Árni Halldórsson, sem gekk í raðir Stjörnunnar frá Leikni í vetur, var valinn besti leikmaður mótsins.

Í spilaranum hér að ofan má sjá öll níu mörk leiksins.