Skrtel kom Newcastle á bragðið í óvæntum sigri | Sjáðu mörkin

Klaufalegt sjálfsmark Martin Skrtel kom Newcastle á bragðið í óvæntum 2-0 sigri Newcastle á Liverpool í dag.

Eftir flugeldasýninguna sem leikmenn Liverpool buðu uppá á miðvikudaginn áttu margir von á að þetta yrði nokkuð auðveldur sigur fyrir Liverpool en annað kom á daginn.

Staðan var markalaus í hálfleik en Christian Benteke fékk besta færi fyrri hálfleiks er boltinn féll fyrir hann í markteignum en framherjinn stóri og stæðilegi setti boltann yfir.

Á 69. mínútu kom síðan eina mark leiksins en þá varð Skrtel fyrir því óláni að setja boltann í eigið net. Fór þá boltinn af Skrtel eftir fyrirgjöf Georginio Wijnaldum og yfir Simon Mignolet í marki Liverpool.

Var þetta sjöunda sjálfsmark Skrtel hjá Liverpool og jafnaði hann með því Jamie Carragher yfir flest sjálfsmörk hjá félaginu en Richard Dunne hefur skorað flest sjálfsmörk í sögu ensku úrvalsdeildarinnar með tíu.

Alberto Moreno virtist hafa jafnað metin tíu mínútum fyrir lok leiksins með glæsilegri afgreiðslu en hann var er virtist vera ranglega dæmdur rangstæður.

Leikmenn Liverpool reyndu að færa sig framar á völlinn á lokamínútum leiksins en án árangurs og bætti Wijnaldum við öðru marki Newcastle í uppbótartíma þegar hann lyfti boltanum yfir Mignolet eftir góða sendingu inn í vítateiginn.

Með sigrinum skaust Newcastle upp fyrir nágrannana í Sunderland en eru enn í fallsæti með 13 sit að 15 umferðum loknum.

Liverpool aftur á móti missti af gullnu tækifæri til þess að saxa á toppliðin í baráttuni um sæti í Meistaradeild Evrópu á næsta ári.