Dagbók lögreglu: Ofurölvi og neitaði að borga leigubílinn

Sautján ára ökumaður var stöðvaður af lögreglu á fjórða tímanum í nótt. Ökumaðurinn ungi reyndist vera ölvaður hann en hafði ekið eftir Bústaðavegi á rúmlega hundrað kílómetra hraða. Samkvæmt upplýsingum frá lögreglu var málið tilkynnt til móður ökumannsins og Barnaverndar.

Þá óskaði leigubílstjóri eftir aðstoð lögreglu vegna farþega sem var ofurölvi og neitaði að greiða fargjaldið. Farþeginn, ung kona, var vistuð í fangageymslu sökum ástands.

Tveir menn voru handteknir grunaðir um líkamsárásir. Annar var handtekinn við veitingahús í miðborginni en hinn í Hafnarfirði. Báðir gistu þeir fangageymslur vegna rannsókna lögreglu á árásunum.