Tusk kallar til aukafundar vegna ástandsins í Miðjarðarhafi

Donald Tusk, forseti leiðtogaráðs Evrópusambandsins, hefur tilkynnt að hann hafi boðað til aukaleiðtogafundar vegna ástandsins í Miðjarðarhafi þar sem þúsundir flóttafólks hafa drukknað á síðustu mánuðum.

Á Twitter-síðu sinni segir Tusk að fundurinn verði haldinn á fimmtudaginn.

Hann segir nauðsynlegt sé að fulltrúar aðildarríkjanna og sameiginlegra stofnana ESB ræði hvernig skuli bregðast við, enda geti málið ekki haldið svona áfram. Hann segist þó gera sér grein fyrir því að ekki sé til nein skyndilausn á flóttamannavandanum.

I have decided to call an extraordinary European Council this Thursday to address situation in #Mediterranean. http://t.co/a3UXkDNpjo #EUCO

— Donald Tusk (@eucopresident) April 20, 2015