Íslenski boltinn

Auðvelt hjá Blikum gegn FH | Jeppe sá um Keflavík

Anton Ingi Leifsson skrifar
Jeppinn skoraði tvö gegn Keflavík.
Jeppinn skoraði tvö gegn Keflavík. vísir/valli

Breiðablik og Stjarnan unnu leiki sína í A-deild Lengjubikars karla í knattspyrnu. Breiðablik lagði Ísladsmeistaraefnin í FH af velli 3-0 og Stjarnan skoraði tvö mörk gegn engu hjá Keflavík.

Davíð Kristján Ólafsson kom Breiðablik yfir eftir smekklegan undirbúning frá Guðjóni Pétri Lýðssyni. Pétur Viðarsson, miðvörður FH, gerði svo sig sekan um klaufaleg mistök, Ellert Hreinsson stal af honum boltanum, en Pétur braut á Ellerti.

Erlendur Eiríksson gaf Pétri reisupassann og dæmdi réttilega víti. Arnór Sveinn Aðalsteinsson steig á punktinn og skoraði. Þannig var staðan í hálfleik. Arnór Sveinn bætti svo við öðru marki úr vítaspyrnu í síðari hálfleik og lokatölur 3-0.

Með sigrinum fer Breiðablik upp í annað sætið, en þeir eru með þrettán stig, jafn mörg og Fylkir sem er á toppnum. FH er í þriðja sætinu með tólf stig þegar einn leikur er eftir.

Í Keflavík var Stjarnan í heimsókn. Jeppe Hansen skoraði bæði mörk Stjörnunnar, en bæði mörkin komu á síðasta stundarfjórðungnum. Daninn var að skora í þriðja leiknum í röð.

Með sigrinum fer Stjarnan í annað sætið, en þeir eru með tíu stig eftir fimm leiki. Keflavík er í fimta sæti með sjö stig eftir sex leiki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.