„Gaman að troða sokk upp í félagana sem halda með Arsenal“ Kolbeinn Tumi Daðason skrifar 29. september 2015 22:02 Alfreð fagnar marki sínu úti við hornfána í kvöld. Vísir/AFP Alfreð Finnbogason skráði sig á spjöld grískrar knattspyrnusögu þegar hann skoraði sigurmark Olympiakos gegn Arsenal í riðlakeppni Meistaradeildar Evrópu í kvöld. Alfreð kom inn á sem varamaður í hálfleik og um miðjan hálfleikinn afgreiddi hann knöttinn afar snyrtilega í netið úr vítateignum.„Það er ekki hægt að kvarta undan neinu núna,“ sagði hetja Olympiakos í samtali við Vísi um klukkustund eftir að leik lauk. Alfreð var skiljanlega afar ánægður með kvöldverkið sitt sem er ekki aðeins glæsilegt heldur einnig sögulegt. „Þetta er fyrsti sigur Olympiakos í Englandi eftir tólf töp í röð. Það er gaman að vera hluti af því. Gaman að vera hluti af sögunni,“ segir Alfreð sem fékk þau skilaboð í fyrri hálfleik að hann ætti að gera sig kláran til að koma inn á í hálfleik. Þetta er fyrsta mark Íslendings í Meistaradeildinni í yfir átta ár. Eiður Smári Guðjohnsen var þangað til í kvöld eini íslenski leikmaðurinn til þess að skora í keppninni. Mark Alfreðs var um leið hans fyrsta í keppnisleik fyrir gríska félagið.Að neðan má sjá sigurmarkið í magnaðri lýsingu Harðar Magnússonar. Verður bara að láta vaða Alfreð hefur spilað margan stórleikinn í evrópskum fótbolta undanfarin ár og sömuleiðis með íslenska landsliðinu. Hann viðurkennir þó að það hafi verið smá skjálfti í honum að koma inn á í hálfleik. „Það er erfiðara að koma inn á en að byrja leiki,“ segir Alfreð sem var fljótur að láta skot ríða af í síðari hálfleik. Tilraunin var langt utan teigs og var skotið ansi fjarri markinu í það skiptið. Menn skora þó ekki nema þeir skjóti og skottilraunin til marks um áræðni landsliðsmannsins. „Maður veit ekkert hvað maður fær mörg færi til að skjóta. Það verður bara að láta vaða,“ segir Alfreð. „Ég hitti hann ekki alveg eins og ég ætlaði,“ bætir húmoristinn þó við og hlær.Alfreð er búinn að skrá sig í sögubækurnar hjá Olympiacos.Klárlega einn sá stærsti Hætt er við að stuðningsmenn Olympiakos fagni sigrinum í kvöld vel heima í Grikklandi líkt og á þriðja þúsund stuðningsmenn sem mættu á Emirates-leikvanginn í London í kvöld. „Það er svolítið eins og gríska landsliðið sé að spila þegar Olympiakos er að spila í Meistaradeildinni. Félagið er stolt þjóðarinnar í Meistaradeildinni og mikil umfjöllun,“ segir Alfreð afar sáttur með áhorfendurna 2500 sem studdu vel við bakið á Alfreð og félögum. Aðspurður um hvort það sé ekki viss léttir að vera búinn að skora fyrsta markið fyrir félagið og komast í uppáhald hjá stuðningsmönnunum heldur Alfreð ró sinni: „Ég kom hingað í þeim tilgangi að spila og þjóna liðinu. Þetta er klárlega einn af stærstu útisigrum félagsins í Meistaradeild og nú er bara að fylgja því eftir,“ segir framherjinn og minnir á að framundan eru tveir erfiðir leikir gegn Dynamo Zagreb í riðlakeppninni. Alfreð í umspilsleiknum gegn Króötum í Zagreb fyrir HM 2014. Framundan eru leikir gegn Dynamo Zagreb sem spilar heimaleiki sína á Maksimir-leikvanginum í króatísku höfuðborginni.Vísir/EPAAllir vilja spila á EM Ljóst er að landsliðsþjálfarinn Lars Lagerbäck hefur verið að fylgjast með okkar manni í kvöld enda einn af sérfræðingum sænska sjónvarpsins í Meistaradeildinni. Markið ætti að styrkja stöðu Alfreðs í íslenska landsliðinu þar sem hann hefur dvalið löngum stundum á varamannabekknum í yfirstandandi undankeppni. „Ég get bara gert eins vel og ég get með mínu félagsliði. Þetta er mjög stórt ár hjá mörgum leikmönnum því það vilja auðvitað allir spila á EM.“ Alfreð er stuðningsmaður Manchester United í Englandi og því eðlilegt að spyrja hvort ekki hafi verið sérstaklega skemmtilegt að skora gegn Arsenal. „Maður hefur auðvitað alltaf fylgst mest með enska boltanum þannig að það er ánægjulegt að skora á Englandi,“ segir Alfreð. „Ætli það sé ekki fyrst og fremst gaman að troða sokk upp í félagana sem halda með Arsenal,“ segir framherjinn léttur.Að neðan má svo sjá viðtal sem Alfreð veitti sænska sjónvarpinu að leik loknum og umræðuna í Meistaradeildarmörkunum hjá Gumma Ben, Hjörvari Hafliða og Óskari Hrafni. Meistaradeild Evrópu Tengdar fréttir Alfreð: Draumakvöld fyrir mig og allt félagið Alfreð Finnbogason var að vonum í skýjunum eftir að hafa tryggt Olympiacos þrjú stig í 3-2 sigri á Arsenal á Emirates-vellinum. 29. september 2015 21:15 Alfreð skoraði sigurmarkið á Emirates | Sjáðu fyrsta mark Alfreðs í Meistaradeildinni Alfreð Finnbogason skoraði sigurmark Olympiacos á Emirates-vellinum í kvöld en varamaðurinn skoraði sigurmarkið eftir að hafa komið inn af varamannabekknum í hálfleik. 29. september 2015 20:30 Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Hélt að Arnar væri að djóka í sér: „Maður var í smá sjokki“ Fótbolti Sjáðu stórkostlegt mark Sveindísar í lokaleiknum fyrir EM Fótbolti Stelpurnar okkar dönsuðu af gleði inn í klefa eftir leik Fótbolti Stelpurnar unnu Svía Fótbolti Jamaíkamaður í hóp þeirra fljótustu í sögunni Sport Fleiri fréttir Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Sjá meira
Alfreð Finnbogason skráði sig á spjöld grískrar knattspyrnusögu þegar hann skoraði sigurmark Olympiakos gegn Arsenal í riðlakeppni Meistaradeildar Evrópu í kvöld. Alfreð kom inn á sem varamaður í hálfleik og um miðjan hálfleikinn afgreiddi hann knöttinn afar snyrtilega í netið úr vítateignum.„Það er ekki hægt að kvarta undan neinu núna,“ sagði hetja Olympiakos í samtali við Vísi um klukkustund eftir að leik lauk. Alfreð var skiljanlega afar ánægður með kvöldverkið sitt sem er ekki aðeins glæsilegt heldur einnig sögulegt. „Þetta er fyrsti sigur Olympiakos í Englandi eftir tólf töp í röð. Það er gaman að vera hluti af því. Gaman að vera hluti af sögunni,“ segir Alfreð sem fékk þau skilaboð í fyrri hálfleik að hann ætti að gera sig kláran til að koma inn á í hálfleik. Þetta er fyrsta mark Íslendings í Meistaradeildinni í yfir átta ár. Eiður Smári Guðjohnsen var þangað til í kvöld eini íslenski leikmaðurinn til þess að skora í keppninni. Mark Alfreðs var um leið hans fyrsta í keppnisleik fyrir gríska félagið.Að neðan má sjá sigurmarkið í magnaðri lýsingu Harðar Magnússonar. Verður bara að láta vaða Alfreð hefur spilað margan stórleikinn í evrópskum fótbolta undanfarin ár og sömuleiðis með íslenska landsliðinu. Hann viðurkennir þó að það hafi verið smá skjálfti í honum að koma inn á í hálfleik. „Það er erfiðara að koma inn á en að byrja leiki,“ segir Alfreð sem var fljótur að láta skot ríða af í síðari hálfleik. Tilraunin var langt utan teigs og var skotið ansi fjarri markinu í það skiptið. Menn skora þó ekki nema þeir skjóti og skottilraunin til marks um áræðni landsliðsmannsins. „Maður veit ekkert hvað maður fær mörg færi til að skjóta. Það verður bara að láta vaða,“ segir Alfreð. „Ég hitti hann ekki alveg eins og ég ætlaði,“ bætir húmoristinn þó við og hlær.Alfreð er búinn að skrá sig í sögubækurnar hjá Olympiacos.Klárlega einn sá stærsti Hætt er við að stuðningsmenn Olympiakos fagni sigrinum í kvöld vel heima í Grikklandi líkt og á þriðja þúsund stuðningsmenn sem mættu á Emirates-leikvanginn í London í kvöld. „Það er svolítið eins og gríska landsliðið sé að spila þegar Olympiakos er að spila í Meistaradeildinni. Félagið er stolt þjóðarinnar í Meistaradeildinni og mikil umfjöllun,“ segir Alfreð afar sáttur með áhorfendurna 2500 sem studdu vel við bakið á Alfreð og félögum. Aðspurður um hvort það sé ekki viss léttir að vera búinn að skora fyrsta markið fyrir félagið og komast í uppáhald hjá stuðningsmönnunum heldur Alfreð ró sinni: „Ég kom hingað í þeim tilgangi að spila og þjóna liðinu. Þetta er klárlega einn af stærstu útisigrum félagsins í Meistaradeild og nú er bara að fylgja því eftir,“ segir framherjinn og minnir á að framundan eru tveir erfiðir leikir gegn Dynamo Zagreb í riðlakeppninni. Alfreð í umspilsleiknum gegn Króötum í Zagreb fyrir HM 2014. Framundan eru leikir gegn Dynamo Zagreb sem spilar heimaleiki sína á Maksimir-leikvanginum í króatísku höfuðborginni.Vísir/EPAAllir vilja spila á EM Ljóst er að landsliðsþjálfarinn Lars Lagerbäck hefur verið að fylgjast með okkar manni í kvöld enda einn af sérfræðingum sænska sjónvarpsins í Meistaradeildinni. Markið ætti að styrkja stöðu Alfreðs í íslenska landsliðinu þar sem hann hefur dvalið löngum stundum á varamannabekknum í yfirstandandi undankeppni. „Ég get bara gert eins vel og ég get með mínu félagsliði. Þetta er mjög stórt ár hjá mörgum leikmönnum því það vilja auðvitað allir spila á EM.“ Alfreð er stuðningsmaður Manchester United í Englandi og því eðlilegt að spyrja hvort ekki hafi verið sérstaklega skemmtilegt að skora gegn Arsenal. „Maður hefur auðvitað alltaf fylgst mest með enska boltanum þannig að það er ánægjulegt að skora á Englandi,“ segir Alfreð. „Ætli það sé ekki fyrst og fremst gaman að troða sokk upp í félagana sem halda með Arsenal,“ segir framherjinn léttur.Að neðan má svo sjá viðtal sem Alfreð veitti sænska sjónvarpinu að leik loknum og umræðuna í Meistaradeildarmörkunum hjá Gumma Ben, Hjörvari Hafliða og Óskari Hrafni.
Meistaradeild Evrópu Tengdar fréttir Alfreð: Draumakvöld fyrir mig og allt félagið Alfreð Finnbogason var að vonum í skýjunum eftir að hafa tryggt Olympiacos þrjú stig í 3-2 sigri á Arsenal á Emirates-vellinum. 29. september 2015 21:15 Alfreð skoraði sigurmarkið á Emirates | Sjáðu fyrsta mark Alfreðs í Meistaradeildinni Alfreð Finnbogason skoraði sigurmark Olympiacos á Emirates-vellinum í kvöld en varamaðurinn skoraði sigurmarkið eftir að hafa komið inn af varamannabekknum í hálfleik. 29. september 2015 20:30 Mest lesið Besta fótboltakona heims lögð inn á sjúkrahús fimm dögum fyrir EM Fótbolti „Versta hugmynd sem hefur komið fram“ Fótbolti Gæti fengið fjögurra ára bann fyrir að reyna að fá gult spjald Fótbolti „Þvílík vika“ hjá Andreu Sport Forest var búið að kaupa landsliðsmann en hann vildi ekki koma Enski boltinn Hélt að Arnar væri að djóka í sér: „Maður var í smá sjokki“ Fótbolti Sjáðu stórkostlegt mark Sveindísar í lokaleiknum fyrir EM Fótbolti Stelpurnar okkar dönsuðu af gleði inn í klefa eftir leik Fótbolti Stelpurnar unnu Svía Fótbolti Jamaíkamaður í hóp þeirra fljótustu í sögunni Sport Fleiri fréttir Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Sjáðu stórkostlegt mark Sveindísar í lokaleiknum fyrir EM Önnur góð Reykjavíkurferð hjá Þórsurum Liverpool semur við fyrrum liðsfélaga Stefáns Teits David Beckham lagður inn á sjúkrahús Sjá meira
Alfreð: Draumakvöld fyrir mig og allt félagið Alfreð Finnbogason var að vonum í skýjunum eftir að hafa tryggt Olympiacos þrjú stig í 3-2 sigri á Arsenal á Emirates-vellinum. 29. september 2015 21:15
Alfreð skoraði sigurmarkið á Emirates | Sjáðu fyrsta mark Alfreðs í Meistaradeildinni Alfreð Finnbogason skoraði sigurmark Olympiacos á Emirates-vellinum í kvöld en varamaðurinn skoraði sigurmarkið eftir að hafa komið inn af varamannabekknum í hálfleik. 29. september 2015 20:30