Fótbolti

Fjölskylda Arons gæti misst af leiknum

Eiríkur Stefán Ásgeirsson skrifar
Fjölskylda Arons fyrir utan leikvanginn í Manaus en þar mætti Bandaríkin liði Portúgals á dögunum.
Fjölskylda Arons fyrir utan leikvanginn í Manaus en þar mætti Bandaríkin liði Portúgals á dögunum. Vísir/Getty
Svo gæti farið að fjölskylda og umboðsmaður Arons Jóhannssonar missi af leik Bandaríkjanna gegn Þýskalandi á HM í Brasilíu í dag.

Magnús Agnar Magnússon, umboðsmaður Arons, segir frá því á Twitter-síðu sinni í dag að mikið úrhelli hafi sett samgöngur frá hóteli hópsins upp á leikvanginn í Recife í uppnám.

„Staðan núna er að vegna úrhellis komast langferðabílarnir ekki til okkar og öll umferð er lokuð að vellinum,“ skrifaði Magnús Agnar á Twitter-síðuna sína í dag.

Bandarískir fjölmiðlamenn hafa lent í svipuðum vandræðum af skrifum þeirra á Twitter að dæma og greina sumir fjölmiðlar frá því að leiknum verði mögulega frestað vegna veðurhamsins. Þá þyrfti líklega einnig að fresta leik Gana og Portúgals þar sem leikirnir verða fara fram á sama tíma.

Áætlað er að flauta til leiks klukkan 16.00 en leikurinn er í beinni útsendingu á Stöð 2 Sport 2.

HM 2014 í Brasilíu

Tengdar fréttir

Óraunverulegt að sjá Aron spila

Bryndís Stefánsdóttir, kærasta knattspyrnukappans Arons Jóhannssonar, er komin til Sao Paolo í Brasilíu til að fylgjast með sínum manni með landsliði Bandaríkjanna á HM. Aron er fyrsti Íslendingurinn sem spilar á heimsmeistaramótinu í knattspyrnu.

Aron upplifir draum Eiðs Smára

Aron Jóhannsson er að upplifa draum Eiðs Smára Guðjohnsen að taka þátt á lokakeppni Heimsmeistaramótsins í Brasilíu.

Aron heldur í vonina

Aron Jóhannsson verður vonandi í eldlínunni með bandaríska landsliðinu í dag.

Mest lesið


Fleiri fréttir

Sjá meira


×

Mest lesið