Vélhjólaslys á Bíladögum

Vélhjólaslys varð á Akureyri við Glerártorg nú fyrir um hálfri klukkustund.

Ekið var í veg fyrir bifhjólamanninn sem reyndi að hemla sem tókst ekki og endaði með fyrrgreindum afleiðingum.

Hjólið var á leið suður Glerárgötu.

Ekki er vitað um meiðsli mannsins að svo stöddu en samkvæmt lögreglumanni á vettvangi voru þau minni en á horfðist í fyrstu.

Ökumaður hjólsins hafi verið með allan öryggisbúnað á tæru. „Hann var eins góður og best verður á kosið,“ er haft eftir eyfirska lögreglumanninum.

Hjólið er þó ónýtt og talið er að kviknað hafi í því við áreksturinn. 

Mótorhátíðin Bíladagar standa nú yfir á Akureyri og lýkur þeim á þriðjudag.