Stórleikur KR og FH í þriðju umferð Pepsi-deildar karla í fótbolta verður spilaður á Gervigrasinu í Laugardal en ekki á KR-vellinum. Þetta kemur fram í fréttatilkynningu frá Mótastjóra KSÍ.
Líkt og í fyrstu tveimur umferðum Pepsi-deildar karla verður tvíhöfði á Gervigrasinu í Laugardal. Báðir leikirnir verða í beinni útsendingu á Stöð 2 Sport alveg eins og í hin tvö skiptin.
Leikur KR og FH fer nú fram á Gervigrasinu í Laugardal klukkan 20.30 á mánudagskvöldið og um leið var leikur Fram og Þórs færður fram til 18.00.
Þetta er ekki eina breytingin því Fylkir og ÍBV hafa ennfremur komist að samkomulagi um að víxla heimaleikjum þannig að leikur liðanna í 3. umferðinni á mánudaginn fer nú fram á Hásteinsvelli.
Fréttatilkynningin frá mótastjóra KSÍ.
Góðan dag
Fylkir og ÍBV hafa komist að samkomulagi um að víxla heimaleikjum í Pepsi-deild karla.
Leikur KR og FH færist á Gervigrasið í Laugardal. Eftirfarandi leikir breytast því:
Pepsi-deild karla
KR – FH
Var: Mánudaginn 12. maí kl. 20.00 á KR-velli
Verður: Mánudaginn 12. maí kl. 20.30 á Gervigrasinu í Laugardal
Pepsi-deild karla
Fram - Þór
Var: Mánudaginn 12. maí kl. 19.15 á Gervigrasinu í Laugardal
Verður: Mánudaginn 12. maí kl. 18.00 á Gervigrasinu í Laugardal
Pepsi-deild karla
Fylkir - ÍBV
Var: Mánudaginn 12. maí kl. 18.00 á Fylkisvelli
Verður: Mánudaginn 12. maí kl. 18.00 á Hásteinsvelli
(Leikurinn heitir því ÍBV – Fylkir)
Pepsi-deild karla
ÍBV - Fylkir
Var: Miðvikudaginn 6. ágúst kl. 18.00 á Hásteinsvelli
Verður: Miðvikudaginn 6. ágúst kl. 18.00 á Fylkisvelli
(Leikurinn heitir því Fylkir - ÍBV)
Þriðji tvíhöfðinn á Gervigrasinu í Laugardal - KR-FH færður þangað
