Pepsi-mörkin: Boltastrákurinn sem lifði sig inn í leikinn

Í Pepsi-mörkunum í gær voru sýndar skemmtilegar myndir af boltastrák FH-inga sem lifði sig vel inn í leik FH og Breiðabliks í 1. umferð Pepsi-deildar karla á dögunum.

Strákurinn var með allar hreyfingar Gunnleifs Gunnleifssonar, markvarðar Breiðabliks, á hreinu og strákarnir í Pepsi-mörkunum höfðu mikið gaman af tilþrifum hans.

Gunnleifur spilaði lengi með FH og það er hægt að ímynda sér það að strákurinn hafi þá lært mikið af landsliðsmarkverðinum snjalla.

Myndbandið með stráknum er nú aðgengilegt hér fyrir ofan og ef æfingin skapar meistarann þá ætti þessi strákur að vera orðinn góður þegar hann kemur upp úr yngri flokkum FH.