Sevilla-liðið nýtti sér tap Barcelona á Santiago Bernabeu á laugardaginn og komst upp að hlið Börsunga á toppi spænsku úrvalsdeildarinnar eftir dramatískan endurkomusigur á Villarreal í gær.
Sevilla er með 22 stig eins og Barcelona en Barca-liðið hefur tólf marka forskot í markatölu. Real Madrid er síðan einu stigi á eftir Barcelona og Sevilla.
Unai Emery, 42 ára spænskur þjálfari, er að gera flotta hluti með Sevila sem vann Evrópudeildina síðasta vor og hefur unnið 7 af fyrstu 9 leikjum sínum á þessari leiktíð.
Þegar stig í síðustu 24 umferðum í spænsku úrvalsdeildinni eru lögð saman kemur í ljós að ekkert félag hefur fengið fleiri stig en Sevilla.
Flest stig á Spáni í síðustu 24 umferðum:
1. Sevilla 54 stig
2. Atletico Madrid 53 stig
3. Barcelona 52 stig
4. Real Madrid 51 stig
Sevilla með fleiri stig en Barca og Real
Óskar Ófeigur Jónsson skrifar

Mest lesið

„Þá leið mér frekar illa eftir leik“
Fótbolti

Fyrrum leikmaður Liverpool að ganga í raðir Stjörnunnar
Íslenski boltinn

Kaupa Delap og eru í viðræðum við Sancho
Enski boltinn




Þeir bestu (1. sæti): Afrekaði allt
Íslenski boltinn


