Yfir 2.000 hafa þegar sótt um

„Það er enn verið að sækja um þannig að við getum ekki gefið upp nákvæma tölu en umsóknir eru komnar vel yfir tvö þúsund,“ segir Ragnhildur G. Guðmundsdóttir, formaður Mæðrastyrksnefndar Reykjavíkur.

Fyrsta jólaúthlutun fer fram þar í dag. Ragnhildur segir fjölda umsókna svipaðan og fyrri ár.

„Það er eitt sem mér finnst vera öðru vísi en var í fyrra. Nú eru að koma miklu fleiri sem eru að vinna. Fólk sem er kannski í 100 prósent starfi en hefur bara svo lág laun að það er ómögulegt að lifa á þeim.“