ÍBV fékk 150.000 króna sekt í dag vegna kynþáttaníðs stuðningsmanns liðsins á meðan leik ÍBV og KR stóð í undanúrslitum Borgunarbikarsins.
Gunnar Jarl Jónsson, dómari leiksins gerði athugasemdir við öskur eins stuðningsmanns ÍBV sem beindust að Farid-Zato.
Guðjón Guðmundsson ræddi við forráðamenn ÍBV í kvöldfréttum Stöðvar 2 í kvöld.
„Við viljum auðvitað bara biðja hann afsökunar. Þetta er algengt vandamál á Íslandi, maður heyrir þetta víða í stúkunum í Pepsi-deildinni en það er sjaldgæft að þetta sé tekið fyrir.“
