Palestínumenn eitt stórt skotmark Nanna Elísa Jakobsdóttir skrifar 17. júlí 2014 08:00 Ungur palestínskur drengur slasaðist í loftárásum Ísraela í gær. Hér er honum hjúkrað af blaðamönnum sem urðu vitni að árásinni. Nordicphotos/AFP Ísraelsmenn settu aukinn þunga í loftárásir sínar á Gasa-svæðið í gær eftir að Hamas-liðar höfnuðu vopnahléstillögu frá Egyptum. Vopnahléið stóð í sex klukkustundir en Benjamin Netanyahu, forsætisráðherra Ísraels, hafði hótað öflugri árásum. Íbúar á Gasa-svæðinu fengu viðvaranir seint í fyrrakvöld um árásirnar og var sagt að rýma svæðið. Tilkynningum rigndi úr lofti, íbúar fengu símtöl og textaskilaboð. Tugir þúsunda eru nú á vergangi á svæðinu og eiga ekki í nein hús að venda. „Við fengum blöðunga sem sögðu okkur að flytjast burt,“ sagði Um Mohammed Rahmi, 56 ára gömul palestínsk kona, í samtali við fréttastofu Al Jazeera. Hún hvarf frá heimili sínu ásamt sex nágrönnum sínum á asnakerru. „Við vitum ekki hvert við erum að fara. Við vitum ekki hvert við ættum að fara. Við erum stefnulaus.“Heimilin horfin Palestínumenn reyndu að bjarga því sem bjargað varð eftir að hús þeirra voru eyðilögð í gær. Nordicphotos/AFPVilja vopnahlé að ákveðnum skilyrðum uppfylltum Loftárásir Ísraelsmanna hófust fyrir sólarupprás í gær og var þeim beint að um þrjátíu húsum. Einkum að húsum hærra settra Hamas-leiðtoga á borð við Mahmoud Zahar og Jamila Shanti. Árásir Ísraela, sem hófust á þriðjudaginn í síðustu viku, hafa nú valdið dauða um 220 Palestínumanna og hátt í fimmtán hundruð liggja særðir. Einn af fimm sem týnt hafa lífi er barn samkvæmt upplýsingum frá frjálsu félagasamtökunum Björgum bör nunum. Sameinuðu þjóðirnar segja mikinn meirihluta hinna látnu vera óbreytta borgara. Hamas-samtökin buðu tíu ára vopnahlé milli ríkjanna en fyrir því eru sett ákveðin skilyrði. Hamas vill að umsátursástandinu verði að fullu aflétt, íbúar Gasa-svæðisins fái að ferðast óáreittir inn og út af svæðinu og að tugum fanga sem haldið er af ísraelskum stjórnvöldum verði sleppt. Yfirvöld í Ísrael svöruðu ekki tilboðinu. Forseti Palestínu, Mahmoud Abbas, fór til Kaíró í Egyptalandi í gær til þess að ræða mögulegt vopnahlé. Að sögn Al Jazeera hefur hann þó lítið tjáð sig um stríðið og hefur það haft þau áhrif að stuðningur við hann meðal Palestínumanna hefur minnkað. Fyrrverandi talsmaður ríkisstjórnarinnar í Palestínu, Ghassan Khatib, sagði það hafa breyst hvar stuðningur fólksins lægi. „Það er greinilegt hver áhrifin eru, stuðningur við Hamas er að aukast á meðan stuðningur við yfirvöld í Palestínu og Abbas fer þverrandi.“Magnús Þorkell Bernharðsson er sérfróður í málefnum landanna fyrir botni Miðjarðarhafs.Íslenskur lektor segir friðarviðræðurnar á villigötum „Gasa-búar hafa hvergi stað til að flýja á,“ segir Magnús Þorkell Bernharðsson, lektor í sögu Mið-Austurlanda. „Þeir hafa ekki þann kost að vera flóttamenn. Þeir eru bara eitt stórt skotmark fyrir Ísraelsher.“ Gasa-svæðið á landamæri að Egyptalandi, Ísrael og Miðjarðarhafinu. Svæðið er hernumið og íbúum þess haldið innan landamæranna. Magnús segir stöðu aðilanna tveggja ójafna. „Hlutfallið sem við sjáum núna hefur aldrei verið svona slæmt, það er: fjöldi látinna Palestínumanna á móti fjölda látinna Ísraela. Þetta er á mun verra stigi en hefur verið áður.“ Hann segir viðbrögð almennings í Ísrael sýna að átökin séu komin á algjörlega nýtt stig en meirihlutinn þar fagnar árásunum. „Enda hefur eyðileggingin verið meiri Palestínu megin.“ Magnús segir friðarviðræður á villigötum. „Það er ekki verið að nálgast þetta mál út frá grunnvandanum.“ Vopnahléstillagan sem Egyptar lögðu fram í fyrradag hafi minnt á leikrit þar sem allir skilmálar hafi verið Ísraelsmönnum í hag og Palestínumenn því ekki getað sætt sig við hana. Að hans áliti er ekki líklegt að neitt komi til með að breytast á næstu mánuðum nema almenningsálitið í Ísrael breytist eða með stjórnarskiptum í Bandaríkjunum í nóvember. „Kannski þegar Obama er kominn á seinni hluta kjörtímabilsins, þá vill hann kannski gera eitthvað róttækara í þessum málum.“ Mest lesið Keyptu ónýtt hús og fá ekki áheyrn Innlent Lögreglumaður á sjúkrahúsi eftir alvarlega árás á Goslokahátíð Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent „Við ætlum að upplifa stóra drauminn hans Kristians Helga” Innlent „Þetta virðast vera einu gjöldin sem ekki má snerta“ Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Nýjasta útspil Ísraela á Gasa minni á „lokalausn“ nasistanna Innlent Kolfelldu tillögu minnihlutans: „Það er meirihlutinn sem stýrir dagskránni“ Innlent Menn á sextugs- og sjötugsaldri grunaðir um stórfellt fíkniefnabrot Innlent Fleiri fréttir Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Ellefu dagar milli nýrra jarðganga í Færeyjum Samgönguráðherrann lést daginn sem Pútín rak hann Pútín rekur samgönguráðherrann eftir miklar raskanir á flugi Eldgos í Lewotobi Laki Laki í Indónesíu Líkir tilætlunum Musk við lestarslys Fundin sek um að myrða ættingja með eitruðum sveppum Á níunda tug látin í hamfaraflóðum Friðarviðræður hafnar í Katar og Netanyahu heldur til Washington Banamaður ráðherra fær að stíga fæti út fyrir fangelsið Um sjötíu látnir í flóðunum og stúlknanna enn leitað Hegseth hafi logið því að gengið sé á vopnabirgðir Bandaríkjanna Fjörutíu og þrír látnir og umfangsmiklar leitarðagerðir standa yfir Elon Musk stofnar nýjan stjórnmálaflokk Leynileg neyðarfjárveiting Dana til flugvallagerðar á Grænlandi Tuttugu og fimm stúlkna saknað úr sumarbúðum vegna flóða Minnst þrettán látnir og tuttugu barna saknað eftir flóð í Texas Rússar sagðir nota efnavopn í Úkraínu í auknum mæli Tveir ferðamenn létust í fílaárás í Sambíu Stunguárás í Tampere hvorki talin hryðjuverk né rasísk árás Sænskur glæpaforingi tekinn fastur í Tyrklandi Sjá meira
Ísraelsmenn settu aukinn þunga í loftárásir sínar á Gasa-svæðið í gær eftir að Hamas-liðar höfnuðu vopnahléstillögu frá Egyptum. Vopnahléið stóð í sex klukkustundir en Benjamin Netanyahu, forsætisráðherra Ísraels, hafði hótað öflugri árásum. Íbúar á Gasa-svæðinu fengu viðvaranir seint í fyrrakvöld um árásirnar og var sagt að rýma svæðið. Tilkynningum rigndi úr lofti, íbúar fengu símtöl og textaskilaboð. Tugir þúsunda eru nú á vergangi á svæðinu og eiga ekki í nein hús að venda. „Við fengum blöðunga sem sögðu okkur að flytjast burt,“ sagði Um Mohammed Rahmi, 56 ára gömul palestínsk kona, í samtali við fréttastofu Al Jazeera. Hún hvarf frá heimili sínu ásamt sex nágrönnum sínum á asnakerru. „Við vitum ekki hvert við erum að fara. Við vitum ekki hvert við ættum að fara. Við erum stefnulaus.“Heimilin horfin Palestínumenn reyndu að bjarga því sem bjargað varð eftir að hús þeirra voru eyðilögð í gær. Nordicphotos/AFPVilja vopnahlé að ákveðnum skilyrðum uppfylltum Loftárásir Ísraelsmanna hófust fyrir sólarupprás í gær og var þeim beint að um þrjátíu húsum. Einkum að húsum hærra settra Hamas-leiðtoga á borð við Mahmoud Zahar og Jamila Shanti. Árásir Ísraela, sem hófust á þriðjudaginn í síðustu viku, hafa nú valdið dauða um 220 Palestínumanna og hátt í fimmtán hundruð liggja særðir. Einn af fimm sem týnt hafa lífi er barn samkvæmt upplýsingum frá frjálsu félagasamtökunum Björgum bör nunum. Sameinuðu þjóðirnar segja mikinn meirihluta hinna látnu vera óbreytta borgara. Hamas-samtökin buðu tíu ára vopnahlé milli ríkjanna en fyrir því eru sett ákveðin skilyrði. Hamas vill að umsátursástandinu verði að fullu aflétt, íbúar Gasa-svæðisins fái að ferðast óáreittir inn og út af svæðinu og að tugum fanga sem haldið er af ísraelskum stjórnvöldum verði sleppt. Yfirvöld í Ísrael svöruðu ekki tilboðinu. Forseti Palestínu, Mahmoud Abbas, fór til Kaíró í Egyptalandi í gær til þess að ræða mögulegt vopnahlé. Að sögn Al Jazeera hefur hann þó lítið tjáð sig um stríðið og hefur það haft þau áhrif að stuðningur við hann meðal Palestínumanna hefur minnkað. Fyrrverandi talsmaður ríkisstjórnarinnar í Palestínu, Ghassan Khatib, sagði það hafa breyst hvar stuðningur fólksins lægi. „Það er greinilegt hver áhrifin eru, stuðningur við Hamas er að aukast á meðan stuðningur við yfirvöld í Palestínu og Abbas fer þverrandi.“Magnús Þorkell Bernharðsson er sérfróður í málefnum landanna fyrir botni Miðjarðarhafs.Íslenskur lektor segir friðarviðræðurnar á villigötum „Gasa-búar hafa hvergi stað til að flýja á,“ segir Magnús Þorkell Bernharðsson, lektor í sögu Mið-Austurlanda. „Þeir hafa ekki þann kost að vera flóttamenn. Þeir eru bara eitt stórt skotmark fyrir Ísraelsher.“ Gasa-svæðið á landamæri að Egyptalandi, Ísrael og Miðjarðarhafinu. Svæðið er hernumið og íbúum þess haldið innan landamæranna. Magnús segir stöðu aðilanna tveggja ójafna. „Hlutfallið sem við sjáum núna hefur aldrei verið svona slæmt, það er: fjöldi látinna Palestínumanna á móti fjölda látinna Ísraela. Þetta er á mun verra stigi en hefur verið áður.“ Hann segir viðbrögð almennings í Ísrael sýna að átökin séu komin á algjörlega nýtt stig en meirihlutinn þar fagnar árásunum. „Enda hefur eyðileggingin verið meiri Palestínu megin.“ Magnús segir friðarviðræður á villigötum. „Það er ekki verið að nálgast þetta mál út frá grunnvandanum.“ Vopnahléstillagan sem Egyptar lögðu fram í fyrradag hafi minnt á leikrit þar sem allir skilmálar hafi verið Ísraelsmönnum í hag og Palestínumenn því ekki getað sætt sig við hana. Að hans áliti er ekki líklegt að neitt komi til með að breytast á næstu mánuðum nema almenningsálitið í Ísrael breytist eða með stjórnarskiptum í Bandaríkjunum í nóvember. „Kannski þegar Obama er kominn á seinni hluta kjörtímabilsins, þá vill hann kannski gera eitthvað róttækara í þessum málum.“
Mest lesið Keyptu ónýtt hús og fá ekki áheyrn Innlent Lögreglumaður á sjúkrahúsi eftir alvarlega árás á Goslokahátíð Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent „Við ætlum að upplifa stóra drauminn hans Kristians Helga” Innlent „Þetta virðast vera einu gjöldin sem ekki má snerta“ Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Nýjasta útspil Ísraela á Gasa minni á „lokalausn“ nasistanna Innlent Kolfelldu tillögu minnihlutans: „Það er meirihlutinn sem stýrir dagskránni“ Innlent Menn á sextugs- og sjötugsaldri grunaðir um stórfellt fíkniefnabrot Innlent Fleiri fréttir Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Ellefu dagar milli nýrra jarðganga í Færeyjum Samgönguráðherrann lést daginn sem Pútín rak hann Pútín rekur samgönguráðherrann eftir miklar raskanir á flugi Eldgos í Lewotobi Laki Laki í Indónesíu Líkir tilætlunum Musk við lestarslys Fundin sek um að myrða ættingja með eitruðum sveppum Á níunda tug látin í hamfaraflóðum Friðarviðræður hafnar í Katar og Netanyahu heldur til Washington Banamaður ráðherra fær að stíga fæti út fyrir fangelsið Um sjötíu látnir í flóðunum og stúlknanna enn leitað Hegseth hafi logið því að gengið sé á vopnabirgðir Bandaríkjanna Fjörutíu og þrír látnir og umfangsmiklar leitarðagerðir standa yfir Elon Musk stofnar nýjan stjórnmálaflokk Leynileg neyðarfjárveiting Dana til flugvallagerðar á Grænlandi Tuttugu og fimm stúlkna saknað úr sumarbúðum vegna flóða Minnst þrettán látnir og tuttugu barna saknað eftir flóð í Texas Rússar sagðir nota efnavopn í Úkraínu í auknum mæli Tveir ferðamenn létust í fílaárás í Sambíu Stunguárás í Tampere hvorki talin hryðjuverk né rasísk árás Sænskur glæpaforingi tekinn fastur í Tyrklandi Sjá meira