Seyðfirðingar horfa yfir heiði til Héraðsbúa

Bæjarráð Seyðisfjarðar tekur undir bókun bæjarstjórnar Fljótsdalshéraðs um sameiningu sveitarfélaga á Austurlandi.

„Í því samhengi telur bæjarráð að einn af vænlegustu kostunum geti verið sameining Seyðisfjarðarkaupstaðar og Fljótsdalshéraðs,“ segir bæjarráðið sem kveður fulltrúa Seyðisfjarðar hafa unni af heilindum að verkefni á vegum Sambands sveitarfélaga á Austurlandi um að kanna kosti og galla sameiningar allra sveitarfélaga í fjórðungnum. Það sé miður að verkefnið hafi lagst af.