Um hundrað rafbílar í umferð

Fimmta hraðhleðslustöðin af tíu hefur verið opnuð á Miklubraut í samstarfi við Skeljung.

Sala á rafbílum hefur aukist jafnt og þétt á síðustu árum. Um hundrað rafbílar eru í umferð á Íslandi fyrir utan tvinnbílana sem ganga fyrir bæði bensíni og rafmagni.

Starfsmaður mánaðarins hjá Skeljungi opnaði nýju stöðina en sá starfsmaður hverju sinni fær afnot af rafbíl fyrirtækisins í einn mánuð. Það er hugsað sem umbun fyrir góða frammistöðu í starfi og kynning á grænum valkostum til samgangna.