Göngubrú yfir Sæbraut að Hörpu hafnað

Hugmynd á vefnum Betri Reykjavík um göngubrú eða göng undir Sæbraut að tónlistarhúsinu Hörpu var hafnað í skipulagsráði að tillögu samgöngustjóra.

„Nýlegt slys sýnir að hraðahindrunin ein dugir ekki til að verja fótgangendur,“ sagði í rökstuðningi á Betri Reykjavík.

„Mestu máli skiptir að ná hraða akandi umferðar niður fyrir 30 kílómetra á klukkustund. Það er gert með hraðahindrandi aðgerðum,“ svarar samgöngustjóri. Gagnkvæm tillitsemi akandi og gangandi sé það sem mestu máli skipti.