Eyvindur hlaut 200 þúsund

Fyrirtækið Mountaineers of Iceland afhenti á dögunum Björgunarfélaginu Eyvindi styrk að upphæð tvö hundruð þúsund krónur.

Björgunarfélagið, sem er staðsett á Flúðum, er með sérhæfðan skyndihjálparhóp í samstarfi við sjúkraflutninga í Árnessýslu og sinnir útköllum með þeim á starfssvæði sveitarinnar.

Félagið er með sérhönnuð farartæki til sjúkraflutninga bæði á hálendi og á láglendi. Innan þesss er einnig starfandi unglingadeildin Vindur.

Í fréttatilkynningu kemur fram að Mountaineers of Iceland vilji byggja upp og styrkja samfélagið sem fyrirtækið lifir og starfar í og þannig styrkist ferðaþjónustan einnig.