Ástin gaf honum kjarkinn Lilja Katrín Gunnarsdóttir skrifar 13. mars 2014 12:00 Spéfuglinn James Corden leikur Paul Potts í myndinni. Kvikmyndin One Chance er frumsýnd á Íslandi á morgun en hún er byggð á ævi söngvarans Paul Potts sem sigraði í þáttunum Britain‘s Got Talent árið 2007. Áður en Paul sló í gegn var hann utangarðs í litlum iðnaðarbæ. Hann söng hástöfum öllum stundum, sem öðrum strákum í bænum þótti tilefni til að leggja hann í hrottalegt einelti. Hann neyddist líka til að sitja undir háðsglósum föður síns í tíma og ótíma, sem vildi að hann færi að vinna með hinum körlunum í kolanámunum. Þegar hann varð eldri kynntist hann stúlkunni Julie-Ann á spjallsvæði á internetinu en þau hittust fyrst augliti til auglitis í febrúar árið 2001. Þá öðlaðist Paul kjark til að elta drauminn um að þenja raddböndin á sviði. Paul og Julie-Ann gengu í það heilaga í maí árið 2003. Það er spéfuglinn og leikarinn James Corden sem fer með hlutverk Pauls, Hann er vel þekktur í Bretlandi og gerði garðinn fyrst frægan þegar hann skrifaði handritið og lék í skemmtiþáttunum Gavin & Stacey. Fyrir frammistöðu sína í þáttunum hlaut hann bresku BAFTA-verðlaunin fyrir besta gamanleik. Þá hefur hann einnig stjórnað þáttunum A League of Their Own og var kynnir á BRIT-verðlaunahátíðinni fyrir stuttu. Í öðrum hlutverkum eru Alexandra Roach, Julie Walters, Colm Meaney og Mackenzie Crook.Sló alla út af laginu Það bjóst enginn við því að Paul Potts gæti sungið þegar hann tók þátt í Britain‘s Got Talent.Fréttablaðið/GettyStjarna er fæddPaul Potts fór í áheyrnarprufu í hæfileikaþættinum Britain‘s Got Talent árið 2007 og bjóst enginn við miklu af söngvaranum. Hann söng Nessun dorma og sló vægast sagt í gegn. Dómararnir urðu steinhissa yfir röddinni sem hann bjó yfir og áhorfendur stóðu upp og klöppuðu eftir flutninginn. Horft hefur verið á atriðið á YouTube yfir 120 milljón sinnum og er það eitt af hundrað mest skoðuðu myndböndum á síðunni síðan hún var stofnuð. Paul komst í undanúrslit í þættinum þar sem hann söng Time To Say Goodbye sem Andrea Bocelli gerði frægt. Hann komst í úrslitaþáttinn eftir að hann fékk flest atkvæði almennings í sögu þáttarins. Paul söng Nessun dorma í úrslitaþættinum, bar sigur úr býtum og hlaut hundrað þúsund pund í sigurlaun.) Ísland Got Talent Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Krakkatían: Bannað að hlæja, Friðarsúlan og Iceguys Lífið Kraftaverkasaga: „Mun ég aldrei sjá þau aftur?“ Áskorun Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira
Kvikmyndin One Chance er frumsýnd á Íslandi á morgun en hún er byggð á ævi söngvarans Paul Potts sem sigraði í þáttunum Britain‘s Got Talent árið 2007. Áður en Paul sló í gegn var hann utangarðs í litlum iðnaðarbæ. Hann söng hástöfum öllum stundum, sem öðrum strákum í bænum þótti tilefni til að leggja hann í hrottalegt einelti. Hann neyddist líka til að sitja undir háðsglósum föður síns í tíma og ótíma, sem vildi að hann færi að vinna með hinum körlunum í kolanámunum. Þegar hann varð eldri kynntist hann stúlkunni Julie-Ann á spjallsvæði á internetinu en þau hittust fyrst augliti til auglitis í febrúar árið 2001. Þá öðlaðist Paul kjark til að elta drauminn um að þenja raddböndin á sviði. Paul og Julie-Ann gengu í það heilaga í maí árið 2003. Það er spéfuglinn og leikarinn James Corden sem fer með hlutverk Pauls, Hann er vel þekktur í Bretlandi og gerði garðinn fyrst frægan þegar hann skrifaði handritið og lék í skemmtiþáttunum Gavin & Stacey. Fyrir frammistöðu sína í þáttunum hlaut hann bresku BAFTA-verðlaunin fyrir besta gamanleik. Þá hefur hann einnig stjórnað þáttunum A League of Their Own og var kynnir á BRIT-verðlaunahátíðinni fyrir stuttu. Í öðrum hlutverkum eru Alexandra Roach, Julie Walters, Colm Meaney og Mackenzie Crook.Sló alla út af laginu Það bjóst enginn við því að Paul Potts gæti sungið þegar hann tók þátt í Britain‘s Got Talent.Fréttablaðið/GettyStjarna er fæddPaul Potts fór í áheyrnarprufu í hæfileikaþættinum Britain‘s Got Talent árið 2007 og bjóst enginn við miklu af söngvaranum. Hann söng Nessun dorma og sló vægast sagt í gegn. Dómararnir urðu steinhissa yfir röddinni sem hann bjó yfir og áhorfendur stóðu upp og klöppuðu eftir flutninginn. Horft hefur verið á atriðið á YouTube yfir 120 milljón sinnum og er það eitt af hundrað mest skoðuðu myndböndum á síðunni síðan hún var stofnuð. Paul komst í undanúrslit í þættinum þar sem hann söng Time To Say Goodbye sem Andrea Bocelli gerði frægt. Hann komst í úrslitaþáttinn eftir að hann fékk flest atkvæði almennings í sögu þáttarins. Paul söng Nessun dorma í úrslitaþættinum, bar sigur úr býtum og hlaut hundrað þúsund pund í sigurlaun.)
Ísland Got Talent Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Krakkatían: Bannað að hlæja, Friðarsúlan og Iceguys Lífið Kraftaverkasaga: „Mun ég aldrei sjá þau aftur?“ Áskorun Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Rússar meina kvikmyndagerðarmanni að koma til Íslands Weerasethakul og Corbijn hlutu heiðursverðlaun RIFF Simpsons-fjölskyldan snýr aftur á hvíta tjaldið Nextar og Sinclair sýna þætti Kimmels aftur Hanna Björk verðlaunuð af leikstjórum á Norðurlöndum Vaða beint í aðra bók eftir Sigríði Hagalín Baywatch aftur á skjáinn Fluttur á spítala eftir mislukkað áhættuatriði Bestu hlutverk Roberts Redford: Sjarmatröll og skilgreiningin á kvikmyndastjörnu Tjáir sig um erfiðar tökur: Engir meðleikarar og enginn leikstjóri Konráðs-bækur Arnaldar á leið á skjáinn Tjáði sig um ástarsambandið sem splundraði tveimur hjónaböndum Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð Sjá meira