Viðar Örn Kjartansson er ekki lengur bara knattspyrnumaður heldur tónlistarmaður.
Þessi langmarkahæsti leikmaður norsku úrvalsdeildarinnar hefur nú gefið út lag í samvinnu við tónlistarpródúsentinn og útgefandann DavidEriksen.
Lagið er ábreiða af My Sacrice með Creed og má kaupa það fyrir 12 norskar krónur eða 218 íslenskar krónur á iTunes.
Viðar Örn gefur út lagið til styrktar Vålerenga sem er í fjárhagsvandræðum eins og fleiri knattspyrnufélög í Noregi. Allur hagnaður rennur beint til Óslóarfélagsins.
„Creed er frábær hljómsveit. Ég held að þetta sé allt í lagi hjá mér. Ég hlustaði á þetta nokkrum sinnum og þetta er í lagi,“ segir Viðar Örn um lagið á heimasíðu Vålerenga.
„Lagið hentar röddinni minni. Ég er með frekar dimma rödd. Dýpri en þegar ég var yngri,“ bætir hann við.
Viðar Örn er markahæstur í norsku úrvalsdeildinni með 25 mörk, en tvær umferðir eru eftir af deildinni.
Creed-lagið með Viðari komið út - hægt að kaupa það í iTunes
Tengdar fréttir
Sjáðu öll 24 mörk Viðars Arnar í Noregi | Myndband
Selfyssingurinn stefnir á markametið í norsku úrvalsdeildinni.
Viðar Örn auglýsir heita potta í Noregi
Gaman að geta glatt móður sína með heitum potti.
Viðar Örn syngur Creed-lag inn á plötu til styrktar Vålerenga
Selfyssingurinn hjálpar til í herferð félagsins að safna pening og fá fólkið til að fjárfesta.
Viðar og Ronaldo í baráttunni um gullskó Evrópu
Viðar Örn Kjartansson og Cristiano Ronaldo eru báðir meðal þriggja hæstu á listanum yfir markahæstu leikmenn Evrópu á tímabilinu 2014-15 en sigurvegarinn hlýtur að launum Gullskó Evrópu.
