Innheimta ekki virðisaukaskatt af aðgangseyri við Geysi Brjánn Jónasson skrifar 24. mars 2014 07:00 Ferðamenn sem vilja skoða Geysi þurfa ekki að greiða virðisaukaskatt. Ríkisskattstjóri telur að innheimta eigi skattinn. Fréttablaðið/GVA Landeigendur við Geysi telja sér ekki skylt að innheimta virðisaukaskatt af aðgangseyri inn á svæðið. Ríkisskattstjóri telur engar undanþágur í lögum ná yfir sölu aðgangseyris. Óvissa virðist vera um hvort innheimta beri virðisaukaskatt þegar selt er inn á ferðamannastaði. Í Kerinu, þar sem gjaldheimta hófst í fyrra, hafa landeigendur ákveðið að innheimta virðisaukaskatt af aðgangseyrinum. Landeigendur á Geysissvæðinu ætla ekki að innheimta skattinn. „Þetta er ekki virðisaukaskattskyld þjónusta,“ segir Garðar Eiríksson, talsmaður landeigenda. „Ástæðan er sú að þetta er ekki sérskráð fasteign og ekki hægt að fá hana skráða sem slíka. Þetta er landvarsla, sem er ekki virðisaukaskyld.“ Hann segir að sérfræðingar sem landeigendur fengu til að meta stöðuna hafi ráðlagt þeim að innheimta ekki skatt af aðgangseyrinum. Innheimta 600 króna aðgangseyris hófst fyrir rúmri viku, en fjármálaráðuneytið hefur stefnt landeigendum til að reyna að koma í veg fyrir gjaldheimtuna. „Við sendum líka fyrirspurn til Ríkisskattstjóra fyrir sjö mánuðum síðan, en höfum ekki enn fengið svar frá þeim,“ segir Garðar. „Það er engin lagaleg óvissa frá okkar bæjardyrum séð,“ segir Bjarni Amby Lárusson, lögfræðingur hjá Ríkisskattstjóra. Hann segir að almennt séð eigi að innheimta virðisaukaskatt af allri þjónustu. Á því séu undantekningar í lögunum, en ekki verði séð að nein þeirra eigi við sölu aðgangseyris á ferðamannastöðum. Hann bendir á að samkvæmt lögunum beri þeim sem stundi virðisaukaskattskylda starfsemi að innheimta skatt. Geri þeir það ekki þurfi þeir engu að síður að greiða skattinn. Sektir og fangelsisdómar liggja við því að standa ekki skil á vörslusköttum á borð við virðisaukaskatt. Garðar segir að landeigendur muni fara að lögum. Verði það niðurstaðan að þeir eigi að greiða virðisaukaskatt af aðgangseyrinum verði það gert. En eins og staðan sé núna sé engin ástæða til að innheimta skattinn af seldum miðum á Geysissvæðinu.Ýmsar undanþágur í lögunumTæmandi listi af undanþágum frá lögum um virðisaukaskatt er talinn upp í lögum um skattinn. Listinn er svohljóðandi:Þjónusta sjúkrahúsa, fæðingarstofnana, heilsuhæla og annarra hliðstæðra stofnana, svo og lækningar, tannlækningar og önnur eiginleg heilbrigðisþjónusta.Félagsleg þjónusta, svo sem rekstur leikskóla, barnaheimila, skóladagheimila og upptökuheimila og önnur hliðstæð þjónusta.Rekstur skóla og menntastofnana, svo og ökukennsla, flugkennsla og danskennsla.Starfsemi safna, svo sem bókasafna, listasafna og náttúrugripasafna, og hliðstæð menningarstarfsemi. Sama gildir um aðgangseyri að tónleikum, íslenskum kvikmyndum, listdanssýningum, leiksýningum og leikhúsum, enda tengist samkomur þessar ekki á neinn hátt öðru samkomuhaldi eða veitingastarfsemi.Íþróttastarfsemi, svo og leiga á aðstöðu til íþróttastarfsemi, aðgangseyrir að sundstöðum, skíðalyftum, íþróttamótum, íþróttasýningum og heilsuræktarstofum.Fólksflutningar. Flutningur á ökutækjum með ferjum, sem eru í beinum tengslum við fólksflutninga, telst til fólksflutninga samkvæmt þessum staflið.Póstþjónusta sem opinber aðili hefur einkaleyfi á, samkvæmt póstlögum, nr. 33/1986. Undanþágan nær einnig til viðtöku og dreifingar á öðrum árituðum bréfapóstsendingum, þar með talin póstkort, blöð og tímarit, og til almennra dreifisendinga og opinna bréfa.Fasteignaleiga og útleiga bifreiðastæða. Útleiga hótel- og gistiherbergja og útleiga tjaldstæða er þó skattskyld, svo og önnur gistiþjónusta þegar leigt er til skemmri tíma en eins mánaðar.]2) Sama gildir um sölu á aðstöðu fyrir veitingar og samkomur þegar leigt er til skemmri tíma en eins mánaðar.Vátryggingarstarfsemi.Þjónusta banka, sparisjóða og annarra lánastofnana, svo og verðbréfamiðlun.Happdrætti og getraunastarfsemi.Starfsemi rithöfunda og tónskálda við samningu hugverka og sambærileg liststarfsemi.Þjónusta ferðaskrifstofa.Útfararþjónusta og prestsþjónusta hvers konar. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Spánverjar neita skipi með vopn innanborðs um að leggja að bryggju Erlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Treysta sér til þess að vernda þjóðkirkjuna Innlent Magnús Geir vill fimm ár í viðbót í Þjóðleikhúsinu Innlent Fleiri fréttir Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Sjá meira
Landeigendur við Geysi telja sér ekki skylt að innheimta virðisaukaskatt af aðgangseyri inn á svæðið. Ríkisskattstjóri telur engar undanþágur í lögum ná yfir sölu aðgangseyris. Óvissa virðist vera um hvort innheimta beri virðisaukaskatt þegar selt er inn á ferðamannastaði. Í Kerinu, þar sem gjaldheimta hófst í fyrra, hafa landeigendur ákveðið að innheimta virðisaukaskatt af aðgangseyrinum. Landeigendur á Geysissvæðinu ætla ekki að innheimta skattinn. „Þetta er ekki virðisaukaskattskyld þjónusta,“ segir Garðar Eiríksson, talsmaður landeigenda. „Ástæðan er sú að þetta er ekki sérskráð fasteign og ekki hægt að fá hana skráða sem slíka. Þetta er landvarsla, sem er ekki virðisaukaskyld.“ Hann segir að sérfræðingar sem landeigendur fengu til að meta stöðuna hafi ráðlagt þeim að innheimta ekki skatt af aðgangseyrinum. Innheimta 600 króna aðgangseyris hófst fyrir rúmri viku, en fjármálaráðuneytið hefur stefnt landeigendum til að reyna að koma í veg fyrir gjaldheimtuna. „Við sendum líka fyrirspurn til Ríkisskattstjóra fyrir sjö mánuðum síðan, en höfum ekki enn fengið svar frá þeim,“ segir Garðar. „Það er engin lagaleg óvissa frá okkar bæjardyrum séð,“ segir Bjarni Amby Lárusson, lögfræðingur hjá Ríkisskattstjóra. Hann segir að almennt séð eigi að innheimta virðisaukaskatt af allri þjónustu. Á því séu undantekningar í lögunum, en ekki verði séð að nein þeirra eigi við sölu aðgangseyris á ferðamannastöðum. Hann bendir á að samkvæmt lögunum beri þeim sem stundi virðisaukaskattskylda starfsemi að innheimta skatt. Geri þeir það ekki þurfi þeir engu að síður að greiða skattinn. Sektir og fangelsisdómar liggja við því að standa ekki skil á vörslusköttum á borð við virðisaukaskatt. Garðar segir að landeigendur muni fara að lögum. Verði það niðurstaðan að þeir eigi að greiða virðisaukaskatt af aðgangseyrinum verði það gert. En eins og staðan sé núna sé engin ástæða til að innheimta skattinn af seldum miðum á Geysissvæðinu.Ýmsar undanþágur í lögunumTæmandi listi af undanþágum frá lögum um virðisaukaskatt er talinn upp í lögum um skattinn. Listinn er svohljóðandi:Þjónusta sjúkrahúsa, fæðingarstofnana, heilsuhæla og annarra hliðstæðra stofnana, svo og lækningar, tannlækningar og önnur eiginleg heilbrigðisþjónusta.Félagsleg þjónusta, svo sem rekstur leikskóla, barnaheimila, skóladagheimila og upptökuheimila og önnur hliðstæð þjónusta.Rekstur skóla og menntastofnana, svo og ökukennsla, flugkennsla og danskennsla.Starfsemi safna, svo sem bókasafna, listasafna og náttúrugripasafna, og hliðstæð menningarstarfsemi. Sama gildir um aðgangseyri að tónleikum, íslenskum kvikmyndum, listdanssýningum, leiksýningum og leikhúsum, enda tengist samkomur þessar ekki á neinn hátt öðru samkomuhaldi eða veitingastarfsemi.Íþróttastarfsemi, svo og leiga á aðstöðu til íþróttastarfsemi, aðgangseyrir að sundstöðum, skíðalyftum, íþróttamótum, íþróttasýningum og heilsuræktarstofum.Fólksflutningar. Flutningur á ökutækjum með ferjum, sem eru í beinum tengslum við fólksflutninga, telst til fólksflutninga samkvæmt þessum staflið.Póstþjónusta sem opinber aðili hefur einkaleyfi á, samkvæmt póstlögum, nr. 33/1986. Undanþágan nær einnig til viðtöku og dreifingar á öðrum árituðum bréfapóstsendingum, þar með talin póstkort, blöð og tímarit, og til almennra dreifisendinga og opinna bréfa.Fasteignaleiga og útleiga bifreiðastæða. Útleiga hótel- og gistiherbergja og útleiga tjaldstæða er þó skattskyld, svo og önnur gistiþjónusta þegar leigt er til skemmri tíma en eins mánaðar.]2) Sama gildir um sölu á aðstöðu fyrir veitingar og samkomur þegar leigt er til skemmri tíma en eins mánaðar.Vátryggingarstarfsemi.Þjónusta banka, sparisjóða og annarra lánastofnana, svo og verðbréfamiðlun.Happdrætti og getraunastarfsemi.Starfsemi rithöfunda og tónskálda við samningu hugverka og sambærileg liststarfsemi.Þjónusta ferðaskrifstofa.Útfararþjónusta og prestsþjónusta hvers konar.
Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Spánverjar neita skipi með vopn innanborðs um að leggja að bryggju Erlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Treysta sér til þess að vernda þjóðkirkjuna Innlent Magnús Geir vill fimm ár í viðbót í Þjóðleikhúsinu Innlent Fleiri fréttir Bein útsending: MenntaStefnumót í Reykjavík Treysta sér til þess að vernda þjóðkirkjuna Magnús Geir vill fimm ár í viðbót í Þjóðleikhúsinu Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Sjá meira