Keflavík á toppnum með fullt hús stiga | Úrslit kvöldsins

Keflavík vann sinn þriðja leik í röð í Pepsi-deildinni í kvöld þrátt fyrir að hafa verið án tveggja reyndra leikmanna í kvöld.

Keflavík er nú eitt á toppi deildarinnar með fullt hús stiga að loknum þremur umferðum en Elías Már Ómarsson skoraði bæði mörk liðsins í 2-0 sigri á Blikum í kvöld. Yfirburðir liðsins virtust miklir en liðið átti 20 marktilraunir gegn aðeins fimm hjá gestunum.

Fjölnir, FH og Stjarnan koma svo næst með sjö stig en FH vann í kvöld dýrmætan sigur á KR, 1-0, með marki Kristjáns Gauta Emilssonar. Stjarnan tapaði hins vegar sínum fyrstu stigum með því að gera steindautt markalaust jafntefli við Víkinga.

Fram og Fylkir unnu sína fyrstu sigra á tímabilinu í kvöld. Fram vann Þór sem er enn stigalaust og Árbæingar gerðu góða ferð til Vestmannaeyja. ÍBV er með eitt stig, rétt eins og Breiðablik.

Allt um leiki kvöldsins hér fyrir neðan.