Aron sat á bekk Bandaríkjanna

Aron Jóhannsson fékk ekki tækifæri þegar bandaríska landsliðið vann 2-1 sigur á Tyrkjum í vináttulandsleik í dag.

Fabian Johnson og Clint Dempsey skoruðu mörk Bandaríkjanna en Selcuk Inan minnkaði muninn undir lok leiksins með marki úr vítaspyrnu.

Aron skoraði síðara mark Bandaríkjanna í 2-0 sigri á Aserbaídsjan fyrr í vikunni en hann er í leikmannahópi liðsins sem fer á HM í Brasilíu í sumar.

Bandaríkin eru í G-riðli með Gana, Portúgal og Þýskalandi en allir leikir liðsins í riðlakeppninni verða sýndir á Stöð 2 Sport 2.