Landsmót hestamanna hlýtur hæsta styrkinn

Í dag opinberaði Mennta- og menningarmálaráðuneytið hvaða verkefni hljóta styrki er stuðla að faglegri uppbyggingu á sviði menningarmála í ár.

Breytt fyrirkomulag er á úthlutuninni í ár í samræmi við ákvörðun Alþingis um að hætta úthlutun á styrkjum til ýmissa verkefna eins og verið hefur. Umfang fjárframlagana er enn í höndum Alþingis en úthlutun er í höndum mismunandi ráðuneyta eftir málefnasviðum þeirra.  

Í tilkynningu frá ráðuneytinu segir að áherslan í úthlutun ráðuneytisins í  ár hafi verið á verkefni á sviði menningararfs, listgreina og uppbyggingar landsmóttstöðu. „Mennta- og menningarmálaráðuneyti tók til meðferðar 103 umsóknir þar sem sótt var um styrki alls að fjárhæð 351.789.650 kr.  Alls eru veittir 20 styrkir að þessu sinni.“ segir í tilkynningunni.

Í ár voru veittir 20 styrkir og eftirfarandi verkefni og umsækjendur hlutu þá í ár:

ASSITEJ, Samtök um barna og unglingaleikhús á Íslandi -  Alþjóðleg sviðlistahátíð ASSITEJ fyrir unga áhorfendur -  300.000

Bandalag íslenskra skáta -  Aðstöðuuppbygging landsmótssvæðis á Úlfljótsvatni - mannvirkja-, vega- og stígagerð -  7.000.00

Bandalag Sjálfstæðra leikhúsa -  Rekstur skrifstofu SL -  3.300.000

Guðmundur Magnússon -  Skráning handrita Jóhanns Jónssonar skálds frá Ólafsvík (1896-1932) -  300.000 

Íslandsdeild ICOM -  Rekstur árið 2014 -  600.000

Landssamband hestamannafélaga -  Landsmót hestamanna á Hellu 2014 -  7.500.000

Leiklistarsamband Íslands -  Kynning á sviðslistum innanlands og erlendis -  2.000.000

Listfræðafélag Íslands -  NORDIK 2015 - undirbúningur ráðstefnu -  300.000

Mýrin, félag um barnabókmenntahátíð -  Mýrin - Alþjóðleg barnabókmenntahátíð í Reykjavík -  300.000

Rekstrarfélag Sarps -  Rekstrarfélag Sarps -  2.000.000

Reykjavík Dance Festival -  Reykjavík Dance Festival 2014 -  2.000.000

Samtök um Danshús -  Dansverkstæðið -  1.500.000

Skógarmenn KFUM -  Tjaldstæði í Vatnaskógi -  2.800.000

Stofnun Árna Magnússonar í íslenskum fræðum -  Sögulegt manntal og bæjatal í opnu kerfi -  800.000

Sveitarfélagið Skagafjörður -  Unglingalandsmót UMFÍ 2014 á Sauðárkróki - 7.000.000

Sögufélag -  Rekstur Sögufélags -  3.000.000

Tónlist fyrir alla -  Skólatónleikar á Íslandi -  5.000.000

Unima á Íslandi -  Undirbúningur samstarfs Norðurlanda á sviði brúðuleikara og námi því tengt - 300.000

Upplýsing, félag bókasafns– og upplýsingafræða -  Faglegir fundir og fræðsla -  600.000

Upptakturinn c/o Harpa tónlistar- og ráðstefnuhús ohf. - Upptakturinn - Tónsköpunarverðlaun barna og ungmenna -  300.000