Hjón greiða 70 milljónir og sæta 12 mánaða fangelsi

Hjón á sextugsaldri voru í dag sakfelld í Héraðdómi Reykjavíkur fyrir umboðssvik og fjárdrátt.

Sérstakur saksóknari ákærði þau fyrir að hafa sem stjórnarmenn og prófkúruhafar í byggingarfyrirtæki dregið að sér rúmlega 70 milljónir króna af fjármunum fyrirtækisins í sameiningu.

Fjárhæðina leystu þau út með sölu á eignarhluta fyrirtækisins í einkahlutafélagi en með peningunum greiddu þau persónulega skuld ákærða upp á rúmar 20 milljónir króna og fjárfestu í íbúðarhúsnæði í Garðabæ fyrir liðlega 50 milljónir króna.

Brot þeirra áttu sér stað í ágúst og september árið 2007.

Voru þau dæmd til 12 mánaða fangelsisvistar og til að greiða þrotabúi byggingafyrirtækisins fyrrgreindar 70 milljónir króna með áföllnum vöxtum.

Dóminn í heild sinni má lesa hér.