Stjórnendur leikskóla vísa kjaradeilu sinni til ríkissáttasemjara

Félag stjórnenda leikskóla vísaði kjaradeilu sinni við Samband íslenskra sveitarfélaga til embættis ríkissáttasemjara nú rétt í þessu.

Ekki hefur verið ákveðið hvenær fyrsti fundur deiluaðila mun fara fram.

Hafa því öll aðildarfélög Kennarasambands Íslands vísað kjaradeilum sínum til sáttasemjara það sem af er ári.

Grunn- og leikskólakennarar vísuðu sínum málum við sveitarfélögin til embættisins og framhaldsskólakennarar gerðu slíkt hið sama í kjaradeilum sínum við ríkið og einkaskóla.

Kjaradeilur allra félagana hafa verið leystar ef frá er talin deila tónlistarskólakennara sem vísað var til embættis ríkissáttasemjara þann 12. júní.