Geitungabú í nærmynd: Minna að gera í geitungaeitruninni í ár

„Þetta er eitthvað minna en venjulega,“ segir Jón Halldórsson, meindýraeyðir og líffræðingur, um fjölda geitunga í sumar.

Jón segir að það sé minna að gera í geitungaeitrun í ár en þó sé ekki hægt að kveða á um það með skýrum hætti fyrr en eftir júlí hvernig stofninum reiðir af. „Hann hefur átt svolítið erfitt núna og undanfarin ár.“

Jón segist eitra fyrir eitt til tvö bú á dag núna. Margar ástæður geta verið fyrir fækkun geitunga.

„Það er helst tíðarfar en í fyrra var það mjög lélegt. Það hefur laskað stofninn og aukið afföll hjá geitungum sem koma fram í maí.“

Stofninn gæti mögulega verið í lægð eftir afföll síðustu ára.

„En það eru margir óvissuþættir. Þetta er nú ekki vísindalegt mat hjá mér heldur byggt á reynslu.“

.

.

.

.

.

.

.