Skipar stýrihóp um framkvæmd EES-samningsins

Forsætisráðherra hefur í samræmi við stefnu ríkisstjórnarinnar í Evrópumálum sem samþykkt var í ríkisstjórn 11. mars sl. skipað stýrihóp um framkvæmd EES-samningsins en þetta kemur fram í tilkynningu frá forsætisráðuneytinu.

Fram kemur í tilkynningunni að nú séu hátt í 700 lagagerðir sem bíði upptöku í EES-samninginn.

Ein af þeim aðgerðum sem ríkisstjórnin samþykkti að grípa til var að setja á fót stýrihóp um framkvæmd EES-samningsins undir forystu forsætisráðuneytis með þátttöku fulltrúa ráðuneyta og skrifstofu Alþingis.

„Markmiðið er að greina flöskuhálsa í ferli EES-mála frá upphafi þeirra á vettvangi Evrópusambandsins til loka við innleiðingu í landsrétt. Hópnum er ætlað að skila tillögum til úrbóta varðandi einstaka þætti ferlisins. Þannig sé framkvæmd EES-samningsins sem skilvirkust og um leið svigrúm skapað til að beina kröftum í auknum mæli að snemmgreiningu löggjafar á vettvangi EES og forgangsröðun þannig að gripið sé til samræmdra viðbragða í stærri hagsmunamálum,“ segir í tilkynningunni.

Í stýrihópnum eiga sæti;

Páll Þórhallsson, skrifstofustjóri forsætisráðuneytinu, sem gegnir formennsku í hópnum.

Erla Sigríður Gestsdóttir, sérfræðingur

Hafdís Ólafsdóttir, skrifstofustjóri

Þorgeir Ólafsson, sérfræðingur

Sigurbergur Björnsson, skrifstofustjóri

Kjartan Ingvarsson, sérfræðingur

Hanna Sigríður Gunnsteinsdóttir, skrifstofustjóri

Bryndís Kjartansdóttir, skrifstofustjóri

Sesselja Sigurðardóttir, nefndarritari utanríkismálanefndar