Leikarar skrifa undir nýjan kjarasamning

Sambands íslenskra kvikmyndaframleiðenda og Félags íslenskra leikara hafa skrifað undir nýjan kjarasamning.

Samningurinn tekur til ráðningarsamninga sem gerðir eru milli kvikmyndaframleiðanda innan SÍK og FÍL um tímabundna ráðningu við leik í kvikmynd eða sjónvarpsþáttaröð.

Samningar við SÍK hafa verið lausir frá árinu 2009 en nýi samningurinn tekur gildir frá undirritun, 12. nóvember, til 30. nóvember 2015.

Samningurinn er launþegasamningur og samið var um lágmarkslaun og er gengið út frá því að hver tökudagur sé 8 klst. langur. Sé dagurinn lengri skal greiða umframtíma með yfirvinnukaupi.

Boðað hefur verið til fundar á Lindargötu 6, mánudaginn 17. nóvember kl. 16.15, þar sem samningur verður borinn undir atkvæði leikara.

Hér að neðan má sjá brot úr þriðja kafla nýja samningsins en sá kafli sný að launaflokkum. 

Launaflokkur leikara ráðast af reynslu þeirra í kvikmyndum og/eða sjónvarpsþáttaröðum og raðast leikari sem leikið hefur a.m.k. fjögur hlutverk, meðalstór eða stærri, í II. flokk en aðrir í I. flokk. Þrjú meðalstór eða stærri hlutverk í atvinnuleikhúsi eru metin sem eitt hlutverk í kvikmynd.