Fótbolti

Falcao: Draumurinn lifir enn

Eiríkur Stefán Ásgeirsson skrifar
Falcao ræðir hér við forsetahjón Kólumbíu, Juan Manuel Santos og Maria Clemencia Rodriguez.
Falcao ræðir hér við forsetahjón Kólumbíu, Juan Manuel Santos og Maria Clemencia Rodriguez. Vísir/AFP
Kólumbíumaðurinn Radamel Falcao gekkst um helgina undir uppskurð á hné eftir að hafa slitið krossband í leik með AS Monaco í Frakklandi.

Yfirleitt tekur það minnst sex mánuði að jafna sig á slíkum meiðslum en þrátt fyrir það heldur Falcao enn í vonina um að spila fyrir hönd sinnar þjóðar á HM í Braslíu í sumar.

„Ég er sannfærður um að þetta verði allt í lagi og ég fái tækifæri til að leggja mitt af mörkum á HM,“ sagði Falcao við fjölmiðla í Portúgal en þar var aðgerðin framkvæmd.

„Mér var alveg sama hversu litlar líkur það voru taldar á því að ég gæti spilað á HM þegar mér var sagt að meiðslin væru alvarleg. Þetta er minn draumur og ég mun vinna að því á hverjum degi að láta hann rætast,“ bætti hann við.

Hér fyrir neðan má sjá ummæli Falcao.



HM 2014 í Brasilíu

Tengdar fréttir

HM í hættu hjá Radamel Falcao

Kólumbíski landsliðsframherjinn Radamel Falcao meiddist í gær á hné í bikarsigri Mónakó á neðri deildarliðinu Monts d'Or Azergues. Það er ekki ljóst hversu alvarleg meiðslin eru en HM í Brasilíu gæti verið í hættu hjá þessum frábæra leikmanni.

Falcao þarf í aðgerð og missir líklega af HM

Franska félagið AS Monaco staðfesti í dag að sóknarmaðurinn Radamel Falcao, leikmaður kólumbíska landsliðsins, þurfi að fara í aðgerð vegna krossbandsmeiðsla í hné.

Falcao ekki búinn að útiloka HM

Radamel Falcao segist þrátt fyrir allt vera vongóður um að hann geti spilað með Kólumbíu á HM í Brasilíu í sumar.

Mest lesið


Fleiri fréttir

Sjá meira


×

Mest lesið