Innlent

Kannabis, amfetamín, sveppir og skjaldbökur

Samúel Karl Ólason skrifar
Mynd úr safni.
Mynd úr safni. Vísir/Stefán
Lögreglan á Suðurnesjum stöðvaði nýverið tvær kannabisræktanir sem karlmaður á fertugsaldri er grunaður um aðild að. Hald var lagt á kannabisefni í pakkningum, sveppi, lyf, poka með hvítu efni og tvær skjaldbökur.

Upphaflega stöðvuðu lögreglumenn manninn við akstur og reyndist hann vera með útunnin ökuréttindi. Þar að auki var hann eftirlýstur.

Maðurinn gaf þvagsýni sem staðfesti neyslu hans á amfetamíni, metamfetamíni og kannabis. Við leit í bílnum hans fannst lítil vog með hvítu efni og kannabis.

Við húsleit í iðnaðarbili sem maðurinn hafði til umráða fannst kannabisræktun falin inni á milli nóta, kaðla og fiskineta. Á heimili hans fannst önnur kannabisræktun, kannabisefnin, sveppirnir, lyfin, hvíta efnið og skjaldbökunar. Meindýraeyðir frá Hafnarfjarðarbæ fjarlægði þær.

Loks fannst falskt rými undir ísskáp þar sem meðal annars voru tvær glerkrukkur með meintum amfetamínleifum, kannabismyljari og fíkniefnaáhöld.

Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.