Fótbolti

Arsenal áfram í 16-liða úrslitin | Sjáðu mörkin

Eiríkur Stefán Ásgeirsson skrifar
Sanogo fagnar marki sínu í kvöld.
Sanogo fagnar marki sínu í kvöld. Vísir/Getty
Arsenal er komið áfram í 16-liða úrslit Meistaradeildar Evrópu eftir 2-0 sigur á þýska liðinu Dortmund í Lundúnum í kvöld.

Yaya Sanogo gaf tóninn strax í upphafi leiks og Alexis Sanchez jók forystuna snemma í síðari hálfleik. Sigurinn þýðir að Arsenal á enn möguleika á toppsæti D-riðils verði úrslit lokaumferðarinnar hagstæð fyrir þá ensku.

Þetta var fyrsta mark Sanogo fyrir Arsenal í nítján leikjum en mörkin bæði má sjá hér fyrir neðan. Alex Oxlade-Chamberlain komst einnig nálægt því að skora en skot hans hafnaði í slánni.

Dortmund er í efsta sæti D-riðils með tólf stig en átti ekki gott kvöld í Lundúnum í kvöld.

Yaya Sanogo kom Arsenal yfir strax á annarri mínútu: Alexis Sanchez jók muninn í 2-0 fyrir heimamenn:
Meistaradeild Evrópu

Mest lesið


Fleiri fréttir

Sjá meira


×

Mest lesið