Sextán ára ógnaði lögreglumönnum með hafnaboltakylfu og hníf

Ríkissaksóknari hefur gefið út ákæru á hendur átján ára pilti fyrir að hafa meðal annars ráðist á tvo lögreglumenn á heimili hans í Grindavík í júlí 2012. Honum er gefið að sök að hafa kýlt lögreglumennina  krepptum hnefa í andlitið auk þess að hafa ógnað þeim með hafnaboltakylfu og öðrum þeirra með hnífi. Þá er honum jafnframt gefið að sök að hafa hótað þeim báðum lífláti og líkamsmeiðingum.

Pilturinn einnig ákærður fyrir að hafa árið 2013 haft á heimili sínu fíkniefni, samtals 1,49 grönn af kannabisefni.  Þá er honum jafnframt gefið að sök að hafa ekið bifreið norður Hafnargötu í Reykjanesbæ undir áhrifum ávana- og fíkniefna í mars 2014.

Krafist er að pilturinn verði dæmdur til refsingar og greiðslu alls sakarkostnaðar. Lögreglustjórinn á Suðurnesjum gerir þá kröfu að piltinum verði gert að greiða rúmlega 100 þúsund krónur í sekt.