Blaðamaður Forbes biður Maríu afsökunar

Bandaríska tímaritið Forbes hefur leiðrétt umfjöllun sína um Bæjarins Beztu þar sem rætt var við Maríu Einarsdóttur pylsusala og beðið hana afsökunar. Í umfjölluninni var hún sögð heita Pylsuvagninn.

Blaðamaður Forbes segir að honum hafi verið bent á að pylsuvagninn þýddi í raun pylsuvagn og væri ekki nafn. „Þetta er ekki kenninafn hennar,“ segir blaðamaðurinn í lok greinarinnar sem hefur verið uppfærð með réttu nafni Maríu.

Í umfjöllun Forbes kemur fram að pylsuvagninn hafi í raun orðið heimsfrægur þegar Bill Clinton, fyrrverandi forseti Bandaríkjanna, fékk sér pylsu þar um árið. Staðurinn hefur verið staðsettur við höfnina síðan árið 1937.