Coutinho fær nýjan samning

Liverpool mun bjóða Brasilíumanninum Philippe Coutinho nýjan samning. Þetta segir Brendan Rodgers, þjálfari liðsins.

„Við stefnum að því að bjóða Philippe nýjan samning í sumar,“ sagði Rodgers.

„Þetta er allt í vinnslu. Hann er mikilvægur fyrir félagið. Hann hefur sýnt þá hæfileika sem hann býr yfir hjá Liverpool, og tekið miklum framförum,“ bætti þjálfarinn við, en Coutinho sem gekk í raðir Liverpool frá Inter í janúar 2013 fyrir átta milljónir punda.

„Hann fer að nálgast sín bestu ár sem fótboltamaður. Hann er 22 ára og vonandi verður hann orðinn mikilvægur hlekkur í brasilíska landsliðinu þegar næsta heimsmeistaramót hefst.

„Ég trúi því að hann muni eiga sín bestu ár hjá Liverpool,“ sagði þjálfarinn sem bætti við að Brasilíumaðurinn væri í frábæru formi eftir sumarið.

Coutinho skoraði fimm mörk og átti sjö stoðsendingar í 33 deildarleikjum á síðustu leiktíð.